అక్కినేని మూడోతరం కథానాయకుడు అఖిల్ కు అన్నయ్య చైతూ చాలా గట్టిగా క్లాస్ పీకాడట. ఇంతకీ ఎందుకా క్లాస్ అనుకొంటున్నారా.. అన్నయ్య పెళ్ళికి తండ్రి నాగార్జున బెట్టు చేయకుండా ఒప్పేసుకోవడం, అప్పట్నుంచి అన్నా-ఒదినలు చట్టాపట్టాలేసుకొని బహిరంగంగా తిరిగేయడం వంటి విషయాలను దృష్టిలో ఉంచికొని లేట్ చేయకుండా శ్రియా భూపాల్ తో తన ప్రేమ వ్యవహారాన్ని కూడా బట్టబయలు చేసేశాడు అఖిల్. ఇక నాన్న నాగార్జున కోప్పడకుండా తన నిర్ణయాన్ని సమ్మతించడంతో అక్కినేని అందగాడికి ఆనందం అదుపుతప్పి.. కంగారులో క్లారిటీ తొందరగా పెళ్లి చేసేసుకోవాలి అని ఫిక్సయిపోయాడట.
దాంతో అన్నయ్య నాగచైతన్య రంగంలోకి దిగి.. “ముందు హీరోగా సెటిల్ అవ్వరా.. పెళ్లి ఎప్పుడైనా చేసుకోవచ్చు. కానీ ఈ టైమ్ లో కెరీర్ ను పక్కన పెట్టావంటే మాత్రం చాలా కష్టం” అంటూ సీరియస్ గా క్లాస్ పీకాడట. దాంతో ఆవేశం తగ్గి ఆలోచనలోపడిన అక్కినేని అఖిల్.. పెళ్లి ఆలోచన మానుకొని, అన్నయ్య చెప్పినట్లుగా ముందు ఎంగేజ్ మెంట్ చేసుకొని తన రెండో సినిమాకి సంబంధించిన పనులు మొదలెట్టాలని ఫిక్సయ్యాడట!
