వంద రోజుల్లో థియేటర్లోకి బాహుబలి కంక్లూజన్

ప్రపంచ వ్యాప్తంగా సినీ అభిమానులు ఎదురు చూస్తున్న బాహుబలి కంక్లూజన్ సినిమాకి కౌంట్ డౌన్ మొదలయింది. దర్శకధీరుడు ఎస్.ఎస్. రాజమౌళి వెండితెరపై సృష్టించిన బాహుబలి బిగినింగ్ కి కొనసాగింపుగా తెరకెక్కుతోన్న బాహుబలి 2  ప్రొడక్షన్ వర్క్ కంప్లీట్ చేసుకొని పోస్ట్ ప్రొడక్షన్ పనులు జరుపుకుంటోంది. ఆర్కామీడియా సంస్థ నిర్మిస్తున్న ఈ మూవీ ఏప్రిల్ 28 న రిలీజ్ కానుంది. ఈ తేదీలో మార్పు లేకుండా విడుదల అయ్యేలా జక్కన్న బృందం శ్రమిస్తోంది. ఆ రోజుకి ఇంకా వంద రోజులుంది. సో కౌంట్ డౌన్ నేటి నుంచి మొదలయింది.

యంగ్ రెబల్ స్టార్ ప్రభాస్ తొలి సారి ద్విపాత్రాభినయం చేసిన ఈ చిత్రం రెండో భాగంలో కట్టప్ప బాహుబలిని ఎందుకు చంపాడు? అనే ప్రశ్నకు జవాబు దొరకనుంది. మొదటి భాగంలో డీ గ్లామర్ గా కనిపించిన స్వీటీ అనుష్క ఇందులో అందాలతో పాటు, పోరాట విన్యాసాలతో అలరించనుంది. ఈ మూవీ వెయ్యికోట్ల కలక్షన్స్ వసూలు చేస్తుందని చిత్ర బృందం ధీమాగా ఉంది.

Also, do SUBSCRIBE to our YouTube channel to get latest Tollywood updates.