‘అరవింద సమేత’ లో కీలక ఘట్టాన్ని పరిచయం చేసిన లీక్డ్ వీడియో

త్రివిక్రమ్ శ్రీనివాస్, ఎన్టీఆర్ కాంబినేషనలో సినిమా మొదలయిన నాటి నుంచి ఎన్ని జాగ్రత్తలు తీసుకున్నప్పటికీ లీకులు ఆగడం లేదు. ఫోటో.. వీడియో.. ఇలా ఏదో రూపంలో లీక్ అవుతున్నాయి. ఈ లీక్డ్ వీడియోలు చిత్ర బృందానికి చమటలు పట్టిస్తున్నాయోమోగానీ అభిమానులకు మాత్రం ఆత్రుతని పెంచుతున్నాయి. మొన్న రైల్వే స్టేషన్ లో పూజా హెగ్డే, ఎన్టీఆర్ లపై ఓ సన్నివేశం తెరకెక్కిస్తుండగా.. ఆ చిత్రికరణను ఎవరో ఫోటోలు తీసి నెట్లో పెట్టారు. నిన్న ఎన్టీఆర్ జీప్ డ్రైవింగ్ సీట్ లో కూర్చొని తలవంచి పక్కకు చూస్తున్న ఫోటో లీక్ అయింది. ఇది సినిమాలో సీరియస్నెస్ ఎంతుందో తెలిపింది. ఈరోజు లీక యినా వీడియో మాత్రం అంచనాలను ఓ రేంజ్ లో పెంచింది.

లీక్ అయిన వీడియోలో ఎన్టీఆర్ కారులోంచి దిగడం వరకు కనిపిస్తోంది. ఇది కీలక యాక్షన్ సీన్ కి సంబంధిన వీడియోగా తెలిసింది. రఫ్ వెర్షన్ అయినా చాలా క్లియర్ గా ఉండి.., సినిమాలో కీలక ఘట్టాన్ని జనాలకు పరిచయం చేసేసింది. ఈ సీన్ కు సంబంధించి కొన్ని అప్ డేట్స్ తెలుస్తున్నాయి. సినిమాలో ఈ భారీ యాక్షన్ సీన్ ఆరంభంలోనే ఉంటుందని తెలుస్తోంది. ఈ సీన్ నేపథ్యంలోనే “రం.. రుధిరం.. సం.. సమరం” అనే బ్యాక్ గ్రౌండ్ స్కోర్ వస్తుందని టాక్. ఆ సమయంలోనే ఊచకోత ఓ లెక్కలో ఉంటుందని తెలుస్తోంది. రోజు రోజుకి అంచనాలను పెంచుకుంటూ పోతున్న ఈ మూవీ వచ్చే నెల 11 న థియేటర్లో రానుంది.