ఒకప్పుడు హీరోగా సక్సస్ అందుకున్నవారు.. రీ ఎంట్రీ లో విలన్ అవతారమెత్తుతున్నారు. సుమన్, జగపతి బాబు, ఆది పినిశెట్టి, తనీష్, శ్రీకాంత్ ఇలా హీరోలు విలన్లుగా మారుతున్నారు. తాజాగా ఈ జాబితాలోకి దాసరి నారాయణరావు తనయుడు అరుణ్ కుమార్ చేరుతున్నారు. గతంలో హీరోగా కనిపించిన అరుణ్ విజయాలు లేకపోవడంతో ఇండస్ట్రీ కి కొంతకాలం దూరమయ్యారు. మళ్ళీ ఇన్ని రోజులకు వెండితెరపై కనిపించబోతున్నారు.
అది కూడా నెగటివ్ రోల్లో. ఎక్కడికి పోతావు చిన్నవాడా ఫేమ్ వీఐ ఆనంద్ దర్శకత్వంలో అల్లు శిరీష్ ఓ సైంటిఫిక్ థ్రిల్లర్‌ చేస్తున్నారు. ఈ సినిమాలో అరుణ్ కుమార్ విలన్ గా నటించనున్నట్లు తెలిసింది. వచ్చే నెల సెట్స్ మీదకు వెళ్లనున్న ఈ మూవీ వివరాలను త్వరలో అధికారికంగా ప్రకటించనున్నారు.
Also, do SUBSCRIBE to our YouTube channel to get latest Tollywood updates.
