కంగనా రనౌత్ హీరోయిన్ గా వచ్చి సూపర్ హిట్ సాధించిన ‘క్వీన్’ చిత్రాన్ని సౌత్ లోకి రీమేక్ చేస్తున్న సంగతి తెలిసిందే. కంగనా రనౌత్ అద్భుత నటన కనబరిచిన ‘క్వీన్’ రీమేక్ తెలుగులో తమన్నా నటిస్తుండగా.. తమిళ్ లో కాజల్ అగర్వాల్ నటిస్తుంది. తమన్నా టైటిల్ రోల్ పోషిస్తున్న ఈ రీమేక్ చిత్రం ‘దట్ ఈజ్ మహాలక్ష్మి’ పేరుతో రాబోతుంది.
ఇక ‘దట్ ఈజ్ మహాలక్ష్మి’ టీజర్ ను డిసెంబర్ 21న విడుదల చేయబోతున్నట్టు ఖరారు చేసింది చిత్ర యూనిట్. నేచురల్ స్టార్ నాని నిర్మాణంలో తెరకెక్కిన ఆ చిత్రంతో దర్శకుడిగా పరిచయమైన ప్రశాంత్ వర్మ ఈ రీమేక్ ను డైరెక్ట్ చేస్తున్నారు .ఇక ఈ చిత్రంలో సిద్దు జొన్నలగడ్డ, జివిఎల్ నరసింహారావు, జగపతి బాబు, ప్రియదర్శి, మాస్టర్ సంపత్ వంటి వారు ముఖ్య పాత్రల్లో నటిస్తున్నారు. మెగాస్టార్ చిరంజీవి హీరోగా తెరకెక్కతోన్న భారీ బడ్జెట్ చిత్రం ‘సైరా నరసింహ రెడ్డి’ చిత్రానికి సంగీతం అందిస్తున్న బాలీవుడ్ మ్యూజిక్ డైరెక్టర్ అమిత్ త్రివేది ఈ చిత్రానికి కూడా సంగీతం అందించనుండడం విశేషం.
