“పిజ్జా” లాంటి డిఫరెంట్ హారర్ ఎంటర్ టైనర్ మరియు “జిగర్తాండ” (తెలుగులో “చిక్కడు దొరకడు”) లాంటి టిపికల్ యాక్షన్ ఎంటర్ టైనర్ చిత్రాలతో దర్శకుడిగా తనకంటూ ప్రత్యేక స్థానాన్ని సంపాదించుకొన్నాడు కార్తీక్ సుబ్బరాజ్. ఇప్పుడు తన మూడో చిత్రాన్ని ఏకంగా ధనుష్ హీరోగా తెరకెక్కించే అవకాశం సొంతం చేసుకొన్నాడు.
తన మునుపటి చిత్రాలవలే ధనుష్ తోనే ఓ వైవిధ్యమైన లవ్ థ్రిల్లర్ ను తెరకెక్కించేందుకు కార్తీక్ సన్నాహాలు చేసుకొంటున్నాడు. ఈ చిత్రాన్ని ధనుష్ స్వయంగా నిర్మించనుండగా.. అనిరుధ్ స్వరాలు సమకూర్చే అవకాశం ఉంది. జూలై నుంచి ఈ చిత్రం సెట్స్ కు వెళ్లనుంది.
