ఇటీవల వచ్చిన బాలీవుడ్ స్పై యాక్షన్ థ్రిల్లర్ ‘ధురందర్ ది రివేంజ్’ బాక్సాఫీస్ వద్ద భారీ వసూళ్లు సాధిస్తూ దూసుకుపోతోంది. ఈ సినిమా సక్సెస్లో మ్యూజిక్ పాత్ర కూడా చాలా ఉంది అని చెప్పాలి. ఈ సినిమాకి సంగీతం అందించింది శాశ్వత్ సచ్దేవ్.
ఇందులో ఆయన ఇచ్చిన బ్యాక్గ్రౌండ్ స్కోర్, చార్ట్బస్టర్ సాంగ్స్ సినిమాకు మెయిన్ హైలైట్గా నిలిచాయి. ఈ రేంజ్ ఔట్పుట్ చూశాక శాశ్వత్కు వరుస ఆఫర్లు క్యూ కడుతున్నాయి. ముఖ్యంగా టాలీవుడ్ బడా డైరెక్టర్ల కన్ను ఈ యంగ్ సెన్సేషన్పై పడినట్లు తెలుస్తోంది.
గ్లోబల్ స్టార్ రామ్ చరణ్, సుకుమార్ కాంబినేషన్లో ఈ ఏడాదే ఓ భారీ ప్రాజెక్ట్ పట్టాలెక్కనున్న సంగతి తెలిసిందే. అయితే ఈ క్రేజీ మూవీ కోసం సంగీత దర్శకుడిగా శాశ్వత్ సచ్దేవ్ను సుకుమార్ పరిశీలిస్తున్నట్లు ఫిల్మ్ నగర్లో టాక్ వినిపిస్తోంది.ఇదిలా ఉంటే.. నేచురల్ స్టార్ నాని(Nani) నెక్స్ట్ మూవీ టీమ్ కూడా శాశ్వత్ను అప్రోచ్ అయినట్లు లేటెస్ట్ అప్డేట్. డైరెక్టర్ సుజీత్తో నాని బ్లడీ రోమియో అనే పవర్ ఫుల్ యాక్షన్ డ్రామా చేయబోతున్నారు.
ప్రస్తుతం చేతిలో ఉన్న ‘ది పారడైజ్’ షూటింగ్ పూర్తవ్వగానే ఈ ప్రాజెక్ట్ స్టార్ట్ అవుతుంది. ఈ సినిమాకి మ్యూజిక్ అందించాలని మేకర్స్ ఇప్పటికే శాశ్వత్తో చర్చలు జరుపుతున్నారట.నాని కెరీర్లోనే ‘బ్లడీ రోమియో’ అత్యంత భారీ బడ్జెట్తో తెరకెక్కబోతోంది. ఈ సినిమా మేజర్ షూటింగ్ పార్ట్ మొత్తం లండన్లోనే ప్లాన్ చేశారు. మరి ఈ రెండు భారీ టాలీవుడ్ ప్రాజెక్టుల్లో శాశ్వత్ దేనికి సైన్ చేస్తాడో అని అంతా ఆసక్తిగా ఎదురుచూస్తున్నారు.
