సినిమా హిట్ అయినా ఒక్కోసారి హీరోకి తప్ప ఎవరికీ పేరు రాదు. మహా అయితే దర్శకుడికి అప్పుడప్పుడు గుర్తింపు లభిస్తుంటుంది. కానీ.. సినిమా హిట్ అయినా, బ్లాక్ బస్టర్ అయినా సినిమాలో నటించిన హీరోయిన్ కి మాత్రా గుర్తింపు కాదు కదా కనీసం సక్సెస్ క్రెడిట్ కూడా దక్కదు. కానీ.. విచిత్రంగా ఇవాళ విడుదలైన “హిప్పీ” సినిమాకి డిజాస్టర్ టాక్ వచ్చినా ఆ సినిమా హీరోయిన్ దిగంగన సూర్యవంశీ అనే బాలీవుడ్ భామకి మాత్రం మంచి గుర్తింపు లభిస్తోంది.
ఆహా అనిపించే అండంతోపాటు అభినయ సామర్ధ్యం కూడా మెండుగా కలిగిన ఈ అమ్మడి స్క్రీన్ ప్రెజన్స్ మరియు అందాల ఆరబోతకు యువత ఫిదా అవ్వగా జనాలు ఖుష్ అవుతున్నారు. దాంతో అమ్మడికి టాలీవుడ్ లో వరుస అవకాశాలు రావాడం ఖాయం అని ఫిక్స్ అయిపోయారు విశ్లేషకులు. మరి అమ్మడికి ఈ పాజిటివ్ టాక్ ఎంతవరకూ ఉపయోగపడుతుంది అనేది చూడాలి. ఈవారానికైతే దిగంగన స్టార్ హీరోయినే.
