సక్సెస్ ఫుల్ ప్రొడ్యూసర్ గా పేరున్నప్పటికీ గతేడాది… దిల్ రాజుకి ఒక్క హిట్టు కూడా దక్కలేదు. ‘లవర్’ ‘శ్రీనివాస కళ్యాణం’ చిత్రాలు డిజాస్టర్లు కాగా… ‘హలో గురు ప్రేమ కోసమే’ చిత్రం యావరేజ్ గా నిలిచింది. అయితే ఈ సంవత్సరం ఆరంభంలో ‘దిల్ రాజు’ నిర్మాణంలో సంక్రాంతి కానుకగా విడుదలైన ‘ఎఫ్ 2’ చిత్రం మాత్రం భారీ విజయాన్ని సొంతం చేసుకుంది. పెట్టిన పెట్టుబడికి రెండింతలకు పైనే లాభం వచ్చింది దిల్ రాజుకి. గతేడాది 3 చిత్రాలతో వచ్చిన నష్టాల్ని ఈ చిత్రం తీర్చేసినా కూడా… ఇంకా ఎక్కువే మిగిలిందట.
అమెజాన్ ప్రైమ్ లో విదుదలయినా కూడా ఈ చిత్రం కలేక్షన్లకి బ్రేక్ పడకపోవడం ఆశ్చర్యాన్ని కలిగించే విషయం. మర్చి 2 కు ఈ చిత్రం విడుదలయ్యి 50 రోజులు పూర్తిచేసుకుంది. ఇక ఈ చిత్రానికి పని చేసిన డైరెక్షన్ డిపార్ట్మెంట్ కు లేటెస్ట్ గా ఐ ఫోన్స్ ను గిఫ్ట్ లుగా ఇచ్చాడట దిల్ రాజు. ఇక మన యంగ్ టాలెంటెడ్ డైరెక్టర్ అనిల్ రావిపూడికి అయితే ఏకంగా ‘బీఎం డబ్ల్యూ’ కారు గిఫ్ట్ గా ఇచ్చాడట. ఇక త్వరలో మహేష్ బాబు 26 వ చిత్రాన్ని డైరెక్ట్ చేయడానికి రెడీ అవుతున్నాడట అనిల్ రావిపూడి. ఈ చిత్రానికి కూడా దిల్ రాజు నిర్మాత గా వ్యవహరిస్తుండడం విశేషం. మరి ఆ చిత్రం ఎలాంటి విజయాన్ని నమోదుచేస్తుందో చూడాలి.
