టాలీవుడ్ లో డిస్ట్రీబుటర్ గానే కాకుండా, అటు చిన్న హీరోలతోను, ఇటు పెద్ద హీరోలతోను సినిమాలను తెరకెక్కిస్తూ మంచి అభిరుచిగల నిర్మాతగా పేరు సంపాదించుకున్న ఆ నలుగురిలో ఒకరు దిల్ రాజు…దిల్ సినిమాతో ఇండస్ట్రీలో హిట్ అనే తలుపు తట్టిన రాజు…దిల్ రాజుగా మారిపోయాడు…అయితే ఇప్పటివరకూ ఎంతమంది పెద్ద హీరోలతో సినిమా చేసినా…మహా అయితే ఒక 30 నుంచి 50కోట్ల వరకూ పెట్టుబడి పెట్టిన దిల్ రాజు…ఇప్పుడు మాత్రం చాలా డేరింగ్ అండ్ డ్యాషింగ్ డిసిషన్ తో 180కోట్ల భారీ బడ్జెట్ తో సినిమాను తెరాకెకిస్తున్నాడు…ఇంతకీ అంత భారీ బడ్జెట్ సినిమా ఏంటి? అసలు ఈ ప్రాజెక్ట్ దిల్ రాజు చేతుల్లో ఎలా పడింది అంటే…ఒకసారి ఈ కధ చదవండి మీకే ఒక క్లారిటీ వచ్చేస్తుంది…మ్యాటర్ లోకి వెళితే…కమల్ హాసన్, శంకర్ కాంబినేషన్ లో వచ్చిన సినిమా భారతీయుడు. దాదాపు రెండు దశాబ్ధాల క్రితం సంచలనాలు సృష్టించిన ఆ సినిమా సీక్వల్ గా ఎన్నో ప్రయత్నాలు జరిగాయి కాని అది కుదరలేదు. ఫైనల్ గా భారతీయుడు-2కు రంగం సిద్ధమైంది.
తెలుగు నిర్మాత డిస్ట్రిబ్యూటర్ దిల్ రాజు ఆ సినిమా నిర్మిస్తున్నారని అఫిషియల్ గా చెప్పేశారు. 180 కోట్ల బడ్జెట్ తో వస్తున్న ఈ సినిమా తన కెరియర్ లోనే అత్యంత భారీ బడ్జెట్ సినిమా తీస్తున్నారు దిల్ రాజు. తమిళ నిర్మాతలను కాదని ఈ సినిమా దిల్ రాజు చేతుల్లోకి ఎలా వచ్చింది అంటే ముందు భారతీయుడు సీక్వల్ ప్లాన్ చేయగా ఆ సినిమాను నిర్మించడానికి చాలామంది నిర్మాతలు ముందుకొచ్చారట. కాని శంకర్ మాత్రం తనకు బాహుబలి నిర్మాతలతో ఈ సినిమా చేయాలని అన్నాడట. కాని ఎందుకో భారతీయుడు-2 మీద అంత గురి లేని బాహుబలి నిర్మాతలు శోభు యార్లగడ్డ, దేవినేని ప్రసాద్ లు సినిమా నిర్మాణానికి నిరాకరించారట. ఇక వారి ద్వారానే దిల్ రాజుకి ఈ అవకాశం వచ్చిందట. కాంబినేషన్ మీద కథ మీద ఉన్న నమ్మకం మేరకు దిల్ రాజు కమిట్మెంట్ ఏర్పడిందట. తెలుగు తమిళ హింది మాత్రమే కాదు అన్ని సౌత్ లాంగ్వేజెస్ లో ఈ సినిమా రిలీజ్ అవుతుందట. ప్రస్తుతం శంకర్ చేస్తున్న రోబో సీక్వల్ 2.0 పూర్తి కాగానే ఈ సినిమా స్టార్ట్ చేస్తారని తెలుస్తుంది. మొత్తంగా చూసుకుంటే దిల్ రాజు పెద్ద రిస్క్ చేస్తున్నాడు అని చెప్పక తప్పదు…ఏది ఏమైనా…ఈ సీక్వెల్ మంచి హిట్ అయ్యీ దిల్ రాజుని న్యాషనల్ రేంజ్ లో నిలబెట్టాలి అని కోరుకుందాం.
