‘దిల్’ రాజు ని అందరూ సక్సెస్ ఫుల్ ప్రొడ్యూసర్ అంటుంటారు. ఆయన నిర్మించే చిన్న సినిమాలు కూడా పెద్ద విజయాలు సాధిస్తుంటాయి. ఇక పెద్ద సినిమాలు తీసాడంటే అవి బ్లాక్ బస్టర్లే..! ఇక వరుసగా మహేష్ తో రెండు సినిమాలు నిర్మిస్తూ వచ్చిన దిల్ రాజు ఇప్పుడు పవన్ కళ్యాణ్ రీ ఎంట్రీ సినిమా నిర్మించాలనే తెగ ట్రై చేస్తున్నాడు. ఇదిలా ఉంటే… ఇప్పుడు ప్రభాస్ తో కూడా ఓ భారీ సినిమాను నిర్మించాలని ట్రై చేస్తున్నాడని సమాచారం.
‘సాహో’ తో ప్రభాస్ రేంజ్ పెరిగింది. హిందీలో కూడా అతనికి మంచి మార్కెట్ ఉంది. ఇక దిల్ రాజు కూడా ఇప్పుడిప్పుడే బాలీవుడ్ వైపు అడుగులు వేస్తున్నాడు. ‘ఎఫ్2’ సినిమా రీమేక్ తో ఆ దిశగా ప్రయత్నాలు మొదలుపెట్టాడు. ఇప్పుడు ప్రభాస్ తో కూడా ఓ భారీ చిత్రాన్ని నిర్మించాలనే దిశగా కూడా ఆయన ప్రయత్నాలు మొదలుపెట్టాడట. ఒకవేళ అన్నీ కుదిరితే వచ్చే ఏడాదే ఈ భారీ ప్రాజెక్ట్ మొదలుకానుందని తెలుస్తుంది. మరి ఈ చిత్రాన్ని ఏ దర్శకుడు తెరకెక్కిస్తాడో చూడాలి.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!.
