టాలీవుడ్ లో స్టార్ హీరోస్, కాంబినేషన్స్ కు ఎంతటి ప్రాధాన్యతనిస్తారో అదే తరహాలో సెంటిమెంట్స్ కు కూడా వేల్యూ ఇస్తారు. మహేష్ బాబుతో ఆల్రెడీ ఒక సినిమా ప్రొడ్యూస్ చేసి ఇంకో సినిమా తీయడానికి సన్నద్ధమవుతున్న దిల్ రాజు ప్రస్తుతం టైటిల్ సెంటి మెంట్ ను ఫాలో అవుతున్నాడు. దిల్ రాజు ఇప్పటివరకూ తీసిన సినిమాల్లో “రామ రామ కృష్ణ, రామయ్య వస్తావయ్యా, కృష్ణాష్టమి” సినిమాలు సూపర్ డిజాస్టర్లుగా మిగిలాయి. అయితే.. మహేష్ తాజా చిత్రానికి దర్శకుడైన వంశీ పైడిపల్లి సినిమా కోసం “కృష్ణా ముకుందా మురారి” అనే టైటిల్ ను ఫిక్స్ చేశాడట. స్టోరీకి టైటిల్ యాప్ట్ అయినప్పటికీ.. తన టైటిల్ సెంటిమెంట్ కి సింక్ అవ్వకపోవడంతో దిల్ రాజు ఆ టైటిల్ ను ఎవాయిడ్ చేయిస్తున్నాడని తెలుస్తోంది.
ఇకపోతే.. ఈ చిత్రంలో “స్పైడర్”లో తనతో సరసాలాడిన రకుల్ ప్రీత్ సింగ్ ను కథానాయికగా తీసుకొనే ఆలోచనలో మహేష్ ఉన్నాడని తెలుస్తోంది. సినిమా ఫ్లాపయినా రకుల్ పెర్ఫార్మెన్స్ అండ్ గ్లామర్ మహేష్ కు బాగా నచ్చాయట అందుకే మునుపటి సినిమా రిజల్ట్ తో సంబంధం లేకుండా రకుల్ తో రేండోసారి రొమాన్స్ చేసేందుకు సిద్ధమవుతున్నాడు. అలాగే.. ఈ సినిమాకి మొదట తమన్ ను సంగీత సారధ్యం వహిస్తాడని వార్తలొచ్చినప్పటికీ.. ప్రెజంట్ దేవిశ్రీప్రసాద్ పేరు వినిపిస్తోంది. చూద్దాం మరి ఎవరు ఫిక్స్ అవుతారో.
