అనిల్ రావిపూడి డైరెక్షన్లో సంక్రాంతి కానుకగా విడుదలన ‘ఎఫ్2’ చిత్రం బ్లాక్ బస్టర్ హిట్ గా నిలిచింది. దిల్ రాజు నిర్మించిన ఈ చిత్రం ఇప్పటికీ 100 కోట్ల గ్రాస్ ను కొల్లగొట్టింది. వెంకటేష్, వరుణ్ తేజ్ లాంటి హీరోలతో సింపుల్ కథను తీసుకుని తనదైన శైలిలో ఎంటర్టైన్మెంట్ జోడించి మెప్పించాడు అనిల్. ఈ చిత్రంతో తన కెరీర్లో మొదటి 100 కోట్ల చిత్రాన్ని సాధించాడు. 100 కోట్ల గ్రాస్ చాలా మంది డైరెక్టర్లు సాధించినప్పటికీ.. అవి స్టార్ హీరోలతో సాధించినవే..! అయితే మిడిల్ ఆర్డర్ హీరోలతో.. ఎటువంటి ఫైట్స్ లేకుండా ఈ ఫీట్ ను సాధించిన అనిల్ రావిపూడిని కచ్చితంగా అభినందించాల్సిందే .
ప్రస్తుతం అనిల్ రావిపూడితో పని చేయడానికి.. యువ హీరోలు, అగ్ర నిర్మాతలు క్యూలు కడుతుండడం విశేషం. ఇక ఈ చిత్ర సక్సెస్ ప్రమోషన్లలో అనిల్ రావిపూడి కొన్ని ఆసక్తికరమైన విషయాలు పంచుకున్నాడు. నందమూరి కళ్యాణ్ రామ్ తో ‘పటాస్’ సూపర్ హిట్ అందుకున్న టైములో అనిల్ తర్వాత జూనియర్ ఎన్టీఆర్ ని కలిసి ఒక లైన్ వినిపించాడట. అనిల్.. గంటన్నర నేరేషన్ కే బాగా ఇంప్రెస్ అయిపోయిన తారక్ ఫుల్ స్క్రిప్ట్ ని డెవలప్ చెసుకుని వస్తే షూట్ మొదలుపెట్టేద్దామని అన్నాడట. అయితే అతి తక్కువ టైములో అంత పెడా స్టార్ హీరో స్క్రిప్ట్ కి న్యాయం చేయలేనేమో అని భావించి అనిల్ డ్రాప్ అయ్యాడట. అయితే ఇప్పుడు తారక్ తో సినిమా చేయాలనీ కోరిక ఉన్నప్పటికీ.. తారక్ ‘ఆర్.ఆర్.ఆర్’ చిత్రంతో బిజీగా ఉండడం.. అలాగే అనిల్ కూడా తన కమిట్మెంట్స్ తో బిజీగా ఉండడంతో.. భవిష్యత్తులో.. కచ్చితంగా చేస్తానని చెప్పాడు. ఈ కాంబినేషన్ సెట్ అయితే ఎన్టీఆర్ ఫ్యాన్స్ కి పండగే.. అని చెప్పడంలో సందేహం లేదు..!
