‘గీత గోవిందం’ చిత్రంతో బ్లాక్ బస్టర్ కొట్టి మళ్ళీ ఫామ్లోకి వచ్చేసాడు దర్శకుడు పరశురామ్(బుజ్జి). దాదాపు ఏడాది వరకూ తన నెక్స్ట్ సినిమాని అనౌన్స్ చేయలేదు పరశురామ్. గతంలో ఈయన డైరెక్షన్లో వచ్చిన ‘యువత’ ‘సోలో’ చిత్రాలు కూడా మంచి హిట్టయ్యాయి. రవితేజ తో చేసిన ‘సారొచ్చారు’ సినిమా ప్లాపయినా ‘ఆంజనేయులు’ సినిమా కార్సియల్ గా లాభాల్ని తెచ్చిపెట్టింది. సో మినిమం గ్యారంటీ ఉన్న డైరెక్టర్ కాబట్టే మహేష్ బాబు కూడా ‘నీతో సినిమా చేస్తా’ అని మాటిచ్చాడు. కానీ మహేష్ ఇప్పుడు ‘సరిలేరు నీకెవ్వరు’ సినిమా చేస్తున్నాడు.
ఎంతకాదనుకున్న డిసెంబర్ వరకూ ఈ చిత్రం షూటింగ్లోనే బిజీగా గడుపుతాడు. ఆ తరువాత వంశీ పైడిపల్లి డైరెక్షన్లో మరో సినిమా ఉంటుందని కూడా ప్రచారం జరిగింది. మరి మహేష్ తరువాతి సినిమా ఎవరితో చేస్తాడు అనేది పెద్ద క్వశ్చన్ మార్క్. అయితే వంశీ పైడిపల్లి మహేష్ కు లైన్ వినిపించగా.. ఫుల్ స్క్రిప్ట్ రెడీ చేసి వినిపించమని చెప్పాడట. వంశీ సినిమాలకి చాలా టైం తీసుకుంటాడు. అయితే పరశురామ్ దగ్గర కథ చాలా వరకూ రెడీ గా ఉందట. ఎలాగూ మాట ఇచ్చాడు కాబట్టి మహేష్.. తనతో సినిమా చేస్తాడని పరశురాం ఎన్నో అసలు పెట్టుకుని మరీ ఎదురుచూస్తున్నాడట. అయితే ‘మహేష్ 27’.. ‘గీత ఆర్ట్స్’ కు కమిట్మెంట్ ఉంది. కానీ ఇప్పుడు పరశురామ్ ఆ కాంపౌండ్ నుండీ బయటకి వచ్చేసాడు. మరి మహేష్ తో సినిమా ఓకే అయితే మళ్ళీ ‘గీత ఆర్ట్స్’ లోనే పరశురామ్ సినిమా చేయాల్సి ఉంటుంది. మరి చివరికి ఏమవుతుందో తెలియాలంటే డిసెంబర్ వరకూ వేచి చూడాల్సిందే. ఎందుకంటే ‘సరిలేరు నీకెవ్వరు’ షూటింగ్ అప్పటికి కంప్లీట్ అయిపోతుంది కాబట్టి వెంటనే మహేష్ తన తదుపరి ప్రాజెక్ట్ ను అనౌన్స్ చేస్తాడు.
