మొదటి నుంచి సుకుమార్ సినిమాలను తెరకెక్కించడానికి ఎక్కువ సమయం తీసుకుంటారు. అందరూ స్టార్ హీరోలతో పనిచేయడమే ఇందుకు కారణం. కథ రాసుకోవడానికి ఎంత సమయం తీసుకుంటారో .. ఆకథని వెండితెరపై ఆవిష్కరించడానికి అంత సమయం తీసుకుంటారు. మహేష్ బాబుతో చేసిన నేనొక్కడినే సినిమాకి రెండేళ్లపైనే తీసుకున్నారు. ఆ సినిమా తర్వాత ఎక్కువ సమయం తీసుకున్న మూవీ రంగస్థలం. ఈ సినిమా సుకుమార్ ఆశించిన దానికన్నా భారీ విజయాన్ని అందించింది. సుకుమార్ కెరీర్ లో ఎక్కువ కలక్షన్స్ సాధించిన చిత్రంగా రికార్డుకెక్కింది. దీంతో సుకుమార్ నెక్స్ట్ ఏమి చేయబోతారనే అంశం హాట్ న్యూస్ అయింది.
ప్రస్తుతానికి ఆయన సినిమా గురించి ఏ ఆలోచన పెట్టుకోవడం లేదు. తన కుటుంబసభ్యులతో కలిసి వేసవిని ఎంజాయ్ చేయబోతున్నారు. అమెరికాలోని కొన్ని హాలిడేస్ స్పాట్ లలో సుకుమార్ తన ఫ్యామిలీతో కలిసి గడపనున్నట్టు సమాచారం. దాదాపు రెండు నెలలు అక్కడే విహరించనున్నారు. హాలిడేస్ ముగించుకొని ఇండియాకి వచ్చిన తర్వాత ఏ కథని సెలక్ట్ చేసుకోవాలి? ఏ హీరోతో సినిమా చేయాలనే విషయంలో నిర్ణయం తీసుకోనున్నారు.
