మహానటుడు నమదమూరి తారకరామారావు జీవితంపై ఎన్టీఆర్ అనే సినిమాని తేజ తెరకెక్కించనున్న సంగతి తెలిసిందే. నందమూరి బాలకృష్ణ నటిస్తూ, నిర్మిస్తున్న ఈ మూవీ కొన్ని రోజుల క్రితం వైభవంగా ప్రారంభమయింది. ఇతర పాత్రలకు ఆర్టిస్టుల సెలక్షన్ జరుగుతోంది. ఇందిరాగాంధీ రోల్ ని నదియా, కాంగ్రెస్ నేత, మాజీ ముఖ్యమంత్రి నాదెండ్ల భాస్కర్ రావు పాత్రలో పరేష్ రావెల్, చంద్రబాబునాయుడు పాత్రలో రానా కనిపించనున్నారు. మరికొంతమంది బాలీవుడ్ స్టార్స్ కూడా ఈ ప్రాజక్ట్ లో భాగం కానున్నారు. త్వరలోనే ఎన్టీఆర్ స్వస్థలం నిమ్మకూరు లో కొత్త షెడ్యూల్ ప్రారంభం కానుంది. ఇటువంటి సమయంలో తేజ బాలయ్యకి షాక్ ఇచ్చారు. ఈ సినిమాని తాను డైరక్ట్ చేయనని బయటికి వచ్చారు.
ప్రీ లుక్ నుంచి ఇద్దరి మధ్య మనస్పర్ధాలున్నాయని రూమర్లు వచ్చాయి. ఈ ఘటనతో అవి నిజమయ్యాయి. తేజ స్థానంలో బాలయ్య క్రిష్ ని తీసుకోనున్నట్లు సమాచారం. ప్రస్తుతం క్రిష్ హిందీలో మణికర్ణిక చేస్తున్నారు. ఆ చిత్రం పూర్తికావచ్చింది. సో ఎన్టీఆర్ బయోపిక్ ని అతను డైరక్ట్ చేయనున్నారని ఫిలిం నగరవాసులు చెప్పారు. ఈ విషయాన్నీ అధికారికంగా త్వరలో ప్రకటించనున్నారు. బాలీవుడ్ ఛాయగ్రాహకుడు సంతోష్‌ తుండియిల్‌ సినిమాటోగ్రఫి అందిస్తున్న ఈ చిత్రానికి కీరవాణి సంగీతమందిస్తున్నారు. ఎన్టీఆర్ బయోపిక్ కి డైరక్టర్ మారినంత మాత్రానా రిలీజ్ విషయంలో ఎటువంటి ఆలస్యం జరగకుండా బాలయ్య చర్యలు తీసుకోనున్నారు.
