‘ఆర్.ఆర్.ఆర్’ పూర్తయిన వెంటనే.. ఎన్టీఆర్ తో సినిమా చెయ్యాలని ప్లాన్ చేసుకున్నాడు త్రివిక్రమ్. దీనికి సంబంధించిన అధికారిక ప్రకటన కూడా వచ్చింది. కానీ కరోనా వైరస్ వల్ల లాక్ డౌన్ ఏర్పడడంతో.. ‘ఆర్.ఆర్.ఆర్’ షూటింగ్ వాయిదా పడింది. అది పూర్తవ్వడానికి మరికొంత సమయం పడుతుంది. ఈ గ్యాప్లో మహేష్ బాబు తో త్రివిక్రమ్ సినిమా ఉంటుందని పెద్ద ఎత్తున ప్రచారం జరిగింది. నిజానికి స్క్రిప్ట్ పనులు కూడా త్రివిక్రమ్ మొదలుపెట్టాడు.
కానీ స్క్రిప్ట్ పరంగా వీరిద్దరూ సంతృప్తి చెందడం లేదని తెలుస్తుంది. గతంలో వీరిద్దరి కాంబినేషన్లో వచ్చిన ‘అతడు’ ‘ఖలేజా’ చిత్రాలు థియేట్రికల్ పెర్ఫార్మన్స్ ఎలా ఉన్నా కానీ క్లాసిక్స్ గా నిలిచాయి. దాంతో ఆలస్యం అయినా పర్వాలేదు మంచి స్క్రిప్ట్ తోనే సెట్స్ పైకి వెళ్లాలని వీరిద్దరూ భావిస్తున్నారట. ఈ క్రమంలో త్రివిక్రమ్.. ఓ యంగ్ హీరోతో సినిమా లాగించేద్దాం అని డిసైడ్ అయినట్టు తెలుస్తుంది. ఆ యంగ్ హీరో మరెవరో కాదు మన రామ్. గతేడాది ‘ఇస్మార్ట్ శంకర్’ చిత్రంతో బ్లాక్ బస్టర్ అందుకున్న రామ్.. ఈ ఏడాది ‘రెడ్’ చిత్రంలో కూడా నటించాడు.
ప్రస్తుతం ఈ హీరో మాత్రమే దర్శకులకు అందుబాటులో ఉన్నాడు. మిగిలిన హీరోలంతా వాళ్ళ పెండింగ్ ప్రాజెక్టులను ఫినిష్ చేసే పనిలో ఉన్నారు. అందుకే త్రివిక్రమ్.. రామ్ తోనే నెక్స్ట్ సినిమా సీక్రెట్ గా ప్లాన్ చేసుకున్నట్టు తెలుస్తుంది. అప్పుడే ఈ ప్రాజెక్ట్ కు సంబంధించిన ప్రీ ప్రొడక్షన్ పనులు కూడా మొదలైపోయాయట. త్వరలోనే అధికారిక ప్రకటన కూడా ఇచ్చే పనిలో నిర్మాతలు అయిన ‘హారిక అండ్ హాసిని క్రియేషన్స్’ వారు ఉన్నట్టు సమాచారం.
Most Recommended Video
కలర్ ఫోటో సినిమా రివ్యూ & రేటింగ్!
24 గంటల్లో అత్యధిక లైక్స్ ను సాధించిన టాప్ 20 టీజర్లు ఇవే..!
టాలీవుడ్ లో తెరకెక్కిన హాలీవుడ్ చిత్రాలు!
