రజనీ-శంకర్ సూపర్‌హిట్ కాంబినేషన్లో రూపొందుతున్న భారీ బడ్జెట్ సీక్వెల్ “రోబో 2.0” టీజర్ ఎట్టకేలకు సెప్టెంబర్ 13న వినాయక చవితి సందర్భంగా విడుదలవుతోంది. షూట్స్ మీద, వీఎఫ్ఎక్స్ మీద ఏళ్ల తరబడి టైం స్పెండ్ చేసిన యూనిట్.. మొత్తానికి రిలీజ్ డేట్ అనౌన్స్ చేసింది. నవంబర్ 29న విడుదల కానుంది రజనీ “2.0”. రజనీకాంత్ సరసన అమీ జాక్సన్ కథానాయికగా నటిస్తున్న ఈ చిత్రం కేవలం వి.ఎఫ్.ఎక్స్ వర్క్ కోసమే 150 కోట్ల రూపాయలతోపాటు ఏడాది సమయం కూడా వెచ్చించడం చర్చనీయాంశం అయ్యింది.
లైకా ప్రొడక్షన్స్ బేనర్‌ లో రూపొందుతున్న ఈ చిత్రాన్ని హిందీలో కరణ్ జోహార్ విడుదల చేస్తుండగా.. తెలుగులో మాత్రం డైరెక్ట్ గా ఓన్ రిలీజ్ చేసుకొంటున్నారు. ఈ మెగా ప్రాజెక్టు కోసం ఉత్తర దక్షిణాది ఇండస్ట్రీలన్నీ ఆసక్తిగా ఎదురు చూస్తున్నాయి. వచ్చే గురువారం రిలీజయ్యే త్రీడీ టీజర్ ఎటువంటి ఎక్స్‌పీరియన్స్ నిస్తుంది.. సినిమా మీద అంచనాల్ని పెంచుతుందా.. లేక నిరాశపరుస్తుందా? అన్నది సస్పెన్స్. ఈ టీజర్ రెస్పాన్స్ బట్టి సినిమాకి బిజినెస్ జరుగుతుంది. మరి టీజర్ ప్రేక్షకులతోపాటు డిస్ట్రిబ్యూటర్లను ఆకట్టుకుంటుందా లేదా అనేది గురవారం వరకు వెయిట్ చేసి చూడాల్సిందే.
