ప్రముఖ కథానయకుడు విజయ్ దేవరకొండ – ప్రముఖ కథానాయిక రష్మిక మందన వివాహం ఘనంగా జరిగింది. రాజస్థాన్లోని ఉదయ్పుర్లోని ఓ విలాసవంతమైన హోటల్లో వీరిద్దరూ వివాహ బంధంలో అడుగుపెట్టారు. నో ఫోన్ పాలసీని కఠినంగా అమలు చేస్తూ, ఎక్కడా ఫొటోలు లీక్ కాకుండా, వాళ్లు బ్లర్డ్ ఫొటోలు, డిస్టెన్స్ ఫొటోలు మాత్రమే పెడుతూ పెళ్లి చేసేసుకున్నారు. ఆ విషయం అలా ఉంచి.. అసలు వివాహం జరిగిన విధానం గురించి చూద్దాం. ఇటీవల స్టార్ కపుల్ ఫాలో అవుతోన్న ఈ విధానం అన్ప్లగ్డ్ వెడ్డింగ్.
అన్ప్లగ్డ్ వెడ్డింగ్కి వచ్చే అతిథులు తమ ఫోన్లను అక్కడ నిర్దేశించిన సిబ్బందికి ముందుగానే ఇచ్చేయాలి. లేదంటే స్విచ్ఛాఫ్ చేసి పక్కన పెట్టాలి అని చెబుతుంటారు. ఇన్స్టాగ్రామ్లో స్టోరీలు, ఫొటోలు, వీడియోలు పెట్టకుండా ఉండటానికి ఈ ఏర్పాటు అన్నమాట. ఆ వివాహానికి సంబంధించిన ఫొటోలను ఆ జంటే షేర్ చేసే వరకు సోషల్ మీడియాలో ఇంకెవరూ షేర్ చేయరు. పెళ్లిని ప్రైవేట్గా, ప్రైవసీతో తన సొంతవారి మధ్య జరుపుకోవాలని అనుకోవడమే దీనికి కారణం.
ప్రైవసీ ఎక్కువగా ఉన్న ఈ వెడ్డింగ్ చాలా ఏళ్లుగా ఉంది. తొలినాళ్లలో సొంత ప్రాంతంలోనే ఇలా చేసేవారు. అయితే ప్రైవసీ కంట్రోల్ చేయడం కష్టమవుతున్న నేపథ్యంలో వేదికను దూర ప్రాంతాలకు తీసుకెళ్లడం స్టార్ట్ చేశారు. మన దేశంలోని సెలబ్రిటీల్లో ఇలా చేయడం స్టార్ట్ చేసింది ప్రముఖ కథానాయిక అనుష్క శర్మ – స్టార్ క్రికెటర్ విరాట్ కోహ్లీనే. డిసెంబర్ 11, 2017లో ఇటలీలో వీరిద్దరూ అన్ప్లగ్డ్ విధానంలోనే ప్రైవసీతో పెళ్లి చేసుకున్నారు.
విరుష్క (అనుష్క, విరాట్ ) పెళ్ల ఫొటోలను షేర్ చేసేవరకు ఆ వివాహం రహస్యంగా ఉంచారు. ఇటలీలోనే సూపర్ స్టార్ కపుల్ దీపిక పడుకొణె – రణవీర్ సింగ్ కూడా నో ఫోన్ పాలసీతో పెళ్లి చేసుకున్నారు. ఇక గ్లోబల్ స్టార్ ప్రియాంక చోప్రా – పాప్ స్టార్ నిక్ జోనస్, సూపర్ స్టార్ కపుల్ కత్రినా కైఫ్ – విక్కీ కౌశల్ లాంటివాళ్లూ ఇదే తరహాలోనే ప్రైవసీతో పెళ్లి చేసుకున్నారు.
