బెల్లంకొండ సాయి శ్రీనివాస్ ఫైనల్ గా హిట్టు కొట్టాడు. గతవారం (ఆగష్టు 2న) విడుదలైన ‘రాక్షసుడు’ చిత్రం సూపర్ హిట్ టాక్ ను సొంతం చేసుకుంది. డెబ్యూ హీరోల్లో ఇప్పటి వరకూ ఎక్కువ కలెక్షన్లు రాబట్టిన హీరో బెల్లంకొండ శ్రీనివాసే. అయితే రెండో చిత్రం నుండీ నటనలో పరిపూర్ణత చూపించడం లేదని బెల్లంకొండ సినిమాలని తిప్పి కొట్టడమే.. ఘోరంగా ట్రోల్ చేస్తూ వచ్చారు. కానీ శ్రీనివాస్ మాత్రం ఆ కామెంట్స్ ను పట్టించుకోకుండా ఇంప్రూవ్మెంట్ చూపిస్తూనే వచ్చాడు.
చివరికి ‘రాక్షసుడు’ తో ఆ కామెంట్స్ కు బ్రేక్ వేసాడు. సినిమా అయితే సూపర్ గా ఉంది అందులో సందేహమే లేదు. కానీ కలెక్షన్లు మాత్రం ఆశించిన స్థాయిలో రావడం లేదు. వీకెండ్ వరకూ పర్వాలేదనిపించినా సోమవారం రోజున బాగా డ్రాప్ అయ్యాయి. ఎడతెగకుండా కురుస్తున్న వర్షాల కారణంగానే జనాలు థియేటర్లకు రాకపోవడం ఒక కారణం అయితే… చిత్ర యూనిట్ సభ్యులు ఎటువంటి ప్రమోషన్లు నిర్వహించకపోవడం రెండో కారణంగా చెప్పుకోవచ్చు. డివైడ్ టాక్ వచ్చినా ‘గుణ 369’ చిత్రం యూనిట్ సభ్యులు మాత్రం సక్సెస్ టూర్లంటూ.. ప్రమోషన్లు మొదలు పెట్టారు. కానీ ‘రాక్షసుడు’ టీం మాత్రం చప్పుడు చేయట్లేదు. బెల్లంకొండ శ్రీనివాస్ ఇప్పటి వరకూ పడిన కష్టం వృధా కాకుండా ఉండాలి అంటే.. సినిమాల్లోని జనాల్లోకి తీసుకెళ్ళే ప్రయత్నం చేయాలి. లేకపోతే ఇది కూడా ‘జయ జనాకి నాయకా’ లానే కమర్షియల్ ఫెయిల్యూర్ గా మిగిలిపోయే ప్రమాదం ఉంది.
