బిగ్‌బాస్‌ ఇంట్లో ఫన్‌ అయితే కనిపించడం లేదు కానీ, ఓ ట్రయాంగిల్‌ స్టోరీ రన్‌ అవుతోందని మాత్రం అందరికీ తెలుసు. అది స్నేహమా ఇంకేంటా అని బిగ్‌బాస్‌ కూడా ఆలోచనలో పడిపోయాడు. ప్రోమోల్లో అదే కన్వే చేస్తున్నాడు కూడా. ఆ మాటకొస్తే ఇంట్లో వాళ్లు కూడా అదే అనుకుంటున్నారు. మరి ఈ రోజు బిగ్‌బాస్‌ ఇంటి నుంచి బయటికొచ్చిన కళ్యాణి ఏం చెబుతుందా అని అందరూ అనుకుంటున్నారు. ఈలోగా ఓ పాటతో క్లారిటీ ఇవ్వడానికి ప్రయత్నించింది కళ్యాణి.
ఇంట్లో ఎవరు ఎలాంటివాళ్లు అంటూ ఎలిమినేట్‌ అయిన ప్రతి ఒకరినీ నాగార్జున అడుగుతాడు. అలా కళ్యాణిని కూడా అడిగాడు. ఆమె కూడా ఏదో వివరాలు చెప్పింది. అయితే ఎవరి గురించో మాట్లాడమంటే ‘నీకు నాకు ఉన్న లింకు ఈడనో చెప్పలేను…’ అంటూ ఓ పాటేసుకుంది. మరి ఆ పాటలో ఎవరి లింక్‌ గురించి చెప్పిందో ఈ రోజు రాత్రి తెలుస్తుంది. అయితే ఆమె పాట పాడితే హారిక ‘అర్థమైందా’ అని అడిగితే… మోనాల్‌ సిగ్గుపడుతూ నవ్వేసింది. మరి కళ్యాణి ‘లింక్‌’ పాట ఎవరికోసమే చూద్దాం.
ఎనర్జీని రీఫిల్‌ చేసుకొని సెకండ్‌ ఇన్నింగ్స్‌ స్టార్ట్‌ చేసిన గంగవ్వ ఫుల్‌ జోష్‌లో కనిపించింది. ‘డాగ్‌ అండ్‌ ది బోన్‌’ గేమ్‌లో కుమార్‌సాయికి పోటీగా.. పోటీ ఏంటి అంతకుమించి ఆడి గెలిచేసింది. ఈ క్రమంలో ‘నక్కిలీసు గొలుసు…’ పాటకు తనదైన శైలిలో స్టెప్పులు కూడా వేసింది. అవినాష్‌ పొట్టను లోపలకు లాక్కోమని నాగ్‌ అంటే… ఓ సినిమా కోసం పొట్టను పెంచుతున్నా అంటూ అవినాష్‌ నవ్వులు పూయించాడు. డాగ్‌ అండ్‌ ది బోన్‌ గేమ్‌లో లాస్య, సుజాత ‘పట్టర పట్టు హైలస్సా’ స్టైల్‌లో లాగుడు పీకుడు కూడా బాగుంది.
