ప్రభాస్, సుజీత్ సినిమాకు సంగీతమందించనున్న దేవీ శ్రీ ప్రసాద్

యంగ్ రెబల్ స్టార్ ప్రభాస్ బాహుబలి కంక్లూజన్ చిత్రం తర్వాత చేయనున్న చిత్రం గురించి రోజుకో ఆసక్తికర విషయం బయటికి వస్తోంది. డైరక్టర్ సుజీత్ దర్శకత్వంలో, యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మించనున్న ఈ మూవీకి బాలీవుడ్, హాలీవుడ్ ఆర్టిస్టులు, టెక్నీషయన్లు పనిచేయనున్నారు. ప్రభాస్ పోలీసాఫీసర్ గా నటిస్తున్న ఈ చిత్రానికి సినిమాటోగ్రాఫర్ గా మధిని తీసుకున్నారు. అలాగే జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు. వీరు బ్యాగ్రౌండ్ స్కోర్ ఇవ్వనున్నారు. రాక్ స్టార్ దేవీ శ్రీ ప్రసాద్ ట్యూన్స్ కంపోజ్ చేయనున్నారు.

సో ఈ చిత్రానికి నలుగురు మ్యుజిషియన్లు పనిచేయనున్నారన్నమాట. ఎక్కువగా దుబాయ్ లో చిత్రీకరణ జరుపుకోనున్న ప్రభాస్ 19 సినిమాలో ఓ ఫైట్ కి మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ఆధ్వర్యంలో యాక్షన్ సీన్స్ షూట్ చేయనున్నారు. హిందీ నటుడు నీల్ నితిన్ ముఖేష్ విలన్ గా నటించనున్న ఈ మూవీ మే నుంచి సెట్స్ మీదకు వెళ్లనుంది.

Also, do SUBSCRIBE to our YouTube channel to get latest Tollywood updates.