సరైనోడు చిత్రం తర్వాత హరీష్ శంకర్ దర్శకత్వంలో స్టైలిష్ స్టార్ అల్లు అర్జున్ చేస్తున్న దువ్వాడ జగన్నాథమ్ సినిమా టీజర్ మహా శివరాత్రి సందర్భంగా రిలీజ్ అయి రికార్డులు సృష్టిస్తోంది. అభిమానులకు శివరాత్రి శుభాకాంక్షలు చెబుతూ శుక్రవారం ఉదయం 9 గంటలకు ఈ వీడియోని బన్నీ సోషల్ మీడియాలో విడుదల చేశారు. 45 సెకన్ల నిడివి గల ఈ టీజర్ లో అల్లు అర్జున్ పంతులు గెటప్ లో సరదాగా కనిపించగా.. హీరోయిన్ పూజ హెగ్డే మాత్రం అందాలు ఆరబోసింది. రాక్ స్టార్ దేవీశ్రీ ప్రసాద్ పాటతో మొదలయ్యే ఈ టీజర్ లో అల్లు అర్జున్.. ‘ఇలా ఇలా ముద్దులు పెట్టేసి సభ్య సమాజానికి ఏం మెసేజ్‌ ఇద్దామని’ అంటూ డైలాగ్ చెప్పి నవ్వులు పూయించారు.
ఈ టీజర్ అల్లు అర్జున్ అభిమానులకు బాగా నచ్చింది. అందుకే 24 గంటలు కూడా కాకముందే రెండు మిలియన్ వ్యూస్ దాటి దూసుకుపోయింది. శ్రీ వెంకటేశ్వర క్రియేషన్స్ పతాకంపై భారీ బడ్జెట్ తో దిల్ రాజు నిర్మిస్తున్న ఈ సినిమాని మే 19 న రిలీజ్ చేయనున్నారు.
Also, do SUBSCRIBE to our YouTube channel to get latest Tollywood updates.
