నిన్న ఓ ప్రముఖ ఆంగ్ల దినపత్రికలో “భరత్ అనే నేను” దర్శకుడు కొరటాల శివ మరియు కథానాయిక కైరా అద్వానీలకు నిర్మాత దానయ్య ఇంకా పేమెంట్స్ ఇవ్వలేదని, ఆ విషయంలో ఇద్దరూ కాస్త అసంతృప్తికరంగా ఉన్నారని” పేర్కొంటూ ఓ వార్త వచ్చింది. పెద్దగా వైరల్ అవ్వకపోయినా.. అత్యధిక సర్క్యులేషన్ ఉన్న ఆ ఆంగ్ల పత్రికలో ప్రముఖంగా పబ్లిష్ అయిన ఆ వార్త తమ సంస్థ పరువు ప్రతిష్టలకు భంగం కలిగించేలా ఉందని భావించిన నిర్మాణ సంస్థ ఓ ప్రెస్ నోట్ రిలీజ్ చేసింది.
“25 ఏళ్ల అనుభవం ఉన్న నిర్మాణ సంస్థ మాది, ఇప్పటివరకూ ఏ ఒక్కరికీ పేమెంట్స్ విషయంలో ఇబ్బందిపెట్టలేదు. అలాంటిది మా సంస్థ పరపతిని పదిరెట్లు పెంచిన “భరత్ అనే నేను” చిత్రాన్ని తెరకెక్కించిన కొరటాల శివ విషయంలో మేం రెమ్యూనరేషన్ కోసం ఆలోచించాల్సిన అవసరం లేదు. జర్నలిజం విలువల మీద నమ్మకంతో ఉన్నాం” అనేది ఆ ప్రెస్ నోట్ సారాంశం. మరి ఈ ప్రెస్ నోట్ ఈ కన్ఫ్యూజన్ ను క్లియర్ చేస్తుందా లేక స్వయంగా కొరటాల శివ మరియు కథానాయికగా కైరా అద్వానీలు ట్విట్టర్ ద్వారా క్లారిటీ ఇవ్వాల్సి వస్తుందేమో చూడాలి మరి.
