ప్రస్తుతం తెలుగు చిత్ర పరిశ్రమలో ఎక్కువగా వినిపిస్తున్న పేరు ఈషా రెబ్బా. బాలీవుడ్ బ్యూటీలతో పోటీ పడుతున్న తెలుగు అమ్మాయికావడంతో అందరూ ఆమెను ప్రత్యేకంగా చూసుకుంటున్నారు. “అంతకుముందు ఆ తరువాత” సినిమాతో వెండితెరపై ఎంట్రీ ఇచ్చిన ఈమె “అమీతుమీ”తో మంచి నటిగా పేరుతెచ్చుకుంది. అలాగే “అ” మూవీలో విభిన్నమైన పాత్రలో మెప్పించింది. తాజాగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న “అరవింద సమేత వీర రాఘవ”లో రెండో హీరోయిన్ గా నటిస్తోంది. అతి తక్కువకాలంలో స్టార్ హీరో పక్కన ఛాన్స్ అందుకోవడమే కాదు..
చిత్రీకరణ సమయంలోనే చిత్ర బృందం అభినందనలు అందుకుంటోంది. తాజాగా ఈమె ఇంటర్వ్యూ లో పాల్గొని తెలుగులో తనకి నచ్చిన హీరోల గురించి వెల్లడించింది. ”తెలుగులో హీరోలందరూ ఇష్టమే. “రంగస్థలం” సినిమా చూసినప్పుడు రామ్‌చరణ్‌, “భరత్‌ అనే నేను” చూసినప్పుడు మహేష్ బాబు ఇలా ఏ సినిమా బాగుంటే ఆ హీరోకి వీరాభిమానిని అయిపోతున్నా. అలాగే తెలుగులోని ప్రతి ఒక్క హీరోతో పనిచేయాలని అనుకుంటాను ” అని తన మనసులోని మాటను బయటపెట్టింది. మరి ఈ తెలుగు హీరోయిన్ కి ఎంతమంది స్టార్ హీరోలు అవకాశమిస్తారో చూడాలి.
