తన పుట్టిన రోజు కారణంగా నాగార్జున తన ఫ్యామిలీతో స్పెయిన్ కు వెళ్ళడంతో గత వారం ‘బిగ్ బాస్3’ ను రమ్యకృష్ణ హోస్ట్ చేసిన సంగతి తెలిసిందే. అంతేకాదు గత వారం ఎలిమినేషన్ ప్రక్రియ కూడా జరగలేదు. దీనితో ఈ వారం షో ఎలా ఉండబోతుందా అనే ఉత్కంఠత అందరిలోనూ నెలకొంది. ఒకవేళ ఈవారం డబుల్ ఎలిమినేషన్ ఉంటుందా అనే ప్రశ్నలు కూడా అందరిలోనూ ఉన్నాయి. ఇదిలా ఉండగా.. ఈ వీకెండ్ నాగార్జున రావడంతోనే హౌస్ మేట్స్ కు తెగ క్లాస్ పీకేస్తున్నాడు. ముఖ్యంగా ఈ వారం జరిగిన టాస్క్ లలో ఒక్కొక్కరు చేసిన తప్పులని ఎత్తిచూపుతూ కడిగి పారేస్తున్నాడు నాగ్.
తాజాగా విడుదల చేసిన ప్రోమోని చూస్తే ఆ విషయం స్పష్టమవుతుంది. ఇదిలా ఉండగా ఈ వారం ఎవరు ఎలిమినేటి అవుతారు అనేదాని పై అందరిలోనూ ఆసక్తి నెలకొంది. ఈ వారం నామినేషన్స్ లో రవి కృష్ణ, శ్రీముఖి, అలీ రెజా, మహేష్ విట్టా, రాహుల్ సిప్లిగంజ్ వంటి వారు ఉన్నారు. అయితే వీరిలో అతి తక్కువ ఓట్లు వచ్చింది రాహుల్ కే అని కొన్ని సోర్స్ ల ద్వారా తెలిసింది. అయితే ఎలిమినేషన్ మాత్రం అలీ రెజా అయ్యాడని సమాచారం. ఈ వార్త నిజంగానే షాకింగ్ కలిగిస్తుందనే చెప్పాలి. ఎందుకంటే అలీ రెజా హౌస్ లో ఉన్న వారిలో స్ట్రాంగ్ కంటెస్టెంట్. అంతేకాదు అలీ నామినేట్ అవ్వడం కూడా ఇదే మొదటిసారి. కాస్త అగ్రెసివ్ గా కనిపించినప్పటికీ అలీ హౌస్ లో ఉన్న వారందరికీ మంచి పోటీ ఇస్తుంటాడు. మరి ఈ వార్తలో ఎంతవరకూ నిజముందో తెలియాల్సి ఉంది.
