మన సినిమాలపై హాలీవుడ్ ప్రభావం ఉన్నట్టే.. బాలీవుడ్ సినిమాల పైనా ఎంతో కొంత ప్రభావం ఉంటుంది. అక్కడి కథలు, పాత్రలు ఇండియన్ స్టార్స్ చేస్తే చూడాలని ఫ్యాన్స్ కోరుకుంటారు. ఇదే కాన్సెప్ట్ తో … హాలీవుడ్ “థోర్” పాత్రకు బాలీవుడ్‌లో ఏ హీరో సరిపోతాడనే దానిపై పోలింగ్ జరిగింది. ఆన్‌లైన్ పోర్టల్ నిర్వహించిన ఈ పోల్‌లో బాలీవుడ్ స్టార్ హీరో హృతిక్ రోషన్ 55 శాతం ఓట్లతో నంబర్ వన్ స్థానంలో నిలిచారు. 39 శాతం మంది ఓటర్లు బాలీవుడ్ హీరోలందరినీ పక్కకు నెట్టి ప్రభాస్ “థోర్” పాత్రలో అదరగొడతాడని ఓట్లు గుద్దారు. బాహుబలి తో ప్రభాస్ ని తమ హీరోగా ప్రతి ఒక ఇండియన్ భావిస్తున్నట్లు ఈ సర్వే స్పష్టం చేసింది.
ఇక 4 శాతం ఓట్లతో సల్మాన్ మూడవ స్థానంలో, 2 శాతం ఓట్లతో జాన్ అబ్రహం నాలుగవ స్థానంలో నిలిచారు. బహుశా బాలీవుడ్ నిర్మాతలకు “థోర్” లాంటి సినిమా నిర్మించే ఆలోచనగాని ఉంటే హృతిక్, ప్రభాస్ లలో ఎవరో ఒకరిని సెలక్ట్ చేసుకుంటారనడంలో ఎటువంటి సందేహం అవసరం లేదు. అటువంటి ప్రాజెక్ట్ గానీ ప్రభాస్ చేస్తే ప్రపంచవ్యాప్తంగా అందరికీ డార్లింగ్ అయిపోతాడు.
