ఈరోజు ఉదయం ప్రముఖ ఆంగ్ల పత్రిక “డెక్కన్ క్రానికల్”లో గత కొన్నాళ్లుగా నిర్వహిస్తున్న “గెస్ హూ” అనే కాలమ్ లో “దిస్ డైరెక్టర్స్ మ్యారేజ్ లైఫ్ ఈజ్ ఆన్ ది రాక్స్” అనే ఒక ఆర్టికల్ ను పబ్లిష్ చేశారు. ఇన్ఫర్మేషన్ ఏమాత్రం తప్పైనా.. ఒక కరెక్టే అయినా ఎక్కడ సదరు ఆర్టికల్ లో మెన్షన్ చేయబడ్డ సెలబ్రిటీ రెస్పాండ్ అయ్యి ఎక్కడ “పరువు నష్టం దావా” వేస్తాడో అన్న భయంతోనో పేర్లు రాయకుండా ఇండైరెక్ట్ గా అర్ధమయ్యేలా ఆర్టికల్స్ పబ్లిష్ చేయడం సదరు “గెస్ హూ” కాలమ్ ప్రత్యేకత. ఆ విధంగా ఇవాళ పేరు మెన్షన్ చేయకుండా డెక్కన్ క్రానికల్ వాళ్ళు పేర్కొన్న వ్యక్తి ఎవరు అనేది సినిమాల మీద ఏమాత్రం పరిజ్ణానమ్ ఉన్నవారికైనా చాలా సులువుగా అర్ధమవుతుంది ఆ డైరెక్టర్ మరెవరో కాదు క్రిష్ అని. ఎందుకంటే.. “గబ్బర్” సినిమాతో హిందీలో డెబ్యూ చేసిన క్రిష్ ప్రస్తుతం కంగనా రనౌత్ కథానాయికగా “మణికర్ణిక” చిత్రాన్ని తెరకెక్కిస్తున్నాడు. సో హిందీలో ప్రస్తుతం ఓ పీరియాడిక్ ఫిలిమ్ తెరకెక్కిస్తున్న ఏకైక దర్శకుడు క్రిష్ మాత్రమే.
ఈ విషయమై కాస్త డీటెయిల్డ్ గా ఇన్విస్టిగేట్ చేస్తే.. ఈ వార్తలో నిజం శాతం ఎక్కువగానే ఉన్నట్లు తెలుస్తోంది. ఎందుకంటే.. ఇన్స్టాగ్రామ్ లో చాలా యాక్టివ్ గా ఉండే క్రిష్ సతీమణి రమ్య వెలగ.. క్రిష్ తో తాను దిగిన ఫోటోలన్నిట్నీ డిలీట్ చేసింది. పైగా.. తన ఇంటి పేరును కూడా రమ్య జాగర్లమూడి నుంచి రమ్య వెలగగా మార్చింది. సో, క్రిష్-రమ్యల వైవాహిక బంధంలో ఇబ్బందులు తలెత్తాయన్న విషయం అర్ధమవుతోంది. అయితే.. ఆ ఇబ్బందులు మరీ విడాకులు తీసుకొనే స్థాయికి చేరుకున్నాయా లేదా అనేది మాత్రం తెలియాల్సి ఉంది.
ఇకపోతే.. సదరు దర్శకుడైన క్రిష్ ఎవరో హీరోయిన్ తో లివ్ ఇన్ రిలేషన్ షిప్ లో ఉన్నాడు అని కూడా పేర్కొన్న ఆ పీరియాడిక్ డ్రామాలో నటించిన కథానాయిక ఎవరా అని ఆలోచిస్తే.. క్రిష్ దర్శకత్వంలో తెరకెక్కిన పీరియాడిక్ డ్రామాస్ రెండు. “కంచె, గౌతమీపుత్ర శాతకర్ణి”. గౌతమీపుత్ర శాతకర్ణిలో కథానాయికగా నటించిన శ్రియకు రీసెంట్ గా పెళ్లైపోయింది. ఇక మిగిలింది ప్రగ్య జైస్వాల్ మాత్రమే. ప్రస్తుతం తెలుగులో ఒక్క ప్రొజెక్ట్ కూడా లేని ప్రగ్య ఉండేది ముంబైలోనే. సో, ఈ వార్తను ఎనలైజ్ చేస్తే.. క్రిష్ ప్రస్తుతం ప్రగ్యతో డేటింగ్ చేస్తున్నట్లు అర్ధమవుతుంది. మరి ఈ వార్తలో నిజమెంతో, అబద్ధమెంతో తెలియాలంటే.. క్రిష్ లేదా రమ్యలలో ఎవరో ఒకరు స్పందించాల్సిందే.
