‘కింగ్’ నాగార్జున హోస్ట్ గా వ్యవహరిస్తున్న ‘బిగ్ బాస్3’ చివరి రోజుకి చేరుకుంది. ఇక శనివారం నాడు గ్రాండ్ గా ఫైనల్ ను మొదలు పెట్టారట. ఇక హౌస్ ‘టాప్ 5’ కంటెస్టెంట్ లు గా రాహుల్, శ్రీముఖి, బాబా భాస్కర్, వరుణ్, అలీ వంటి వారు ఉన్నారు. అయితే వీరిలో టైటిల్ విన్నర్ ఎవరు అవుతారు? అనే ఉత్కంఠత అందరిలోనూ నెలకొంది. మరొక్క రోజులో విన్నర్ ఎవరో తెలిసిపోతుంది. ఇక బయట హౌస్ మేట్ల ఫ్యాన్స్ మాత్రం.. తెగ ప్రమోషన్లు చేస్తున్నారు. మరి వారి ప్రయత్నాలు ఎంతవరకూ ఫలించాయి చూద్దాం రండి..!
ఫైనల్ లో మొదటి ఎలిమినేషన్ అలీ రెజా అయ్యాడని తెలుస్తుంది. వైల్డ్ కార్డు ద్వారా రీ ఎంట్రీ ఇచ్చిన అలీ ‘టాప్ 5’ లో స్థానం దక్కించుకున్నాడు. ఇక రెండో ఎలిమినేషన్ వరుణ్ అయ్యాడట. ఇక్కడే అందరికీ షాక్ తగిలింది. వరుణ్ కచ్చితంగా టైటిల్ విన్నర్ అవుతాడని.. చాలా మంది ఆశలు పెట్టుకున్నారు. కానీ రివర్స్ అయ్యిందని తెలుస్తుంది. ఇక మూడో ఎలిమినేషన్ బాబా భాస్కర్ అయ్యాడట. 2 వ వారంలోనే ఎలిమినేట్ అయిపోతాను అని చెప్పుకుంటూ వచ్చిన భాస్కర్ ‘టాప్3’ లో కూడా స్థానం దక్కించుకున్నాడు. ఇలా ముగ్గురు ఎలిమినేట్ అయిపోయారు. ఇక హౌస్ లో కేవలం రాహుల్, శ్రీముఖి మాత్రమే ఉన్నారు. వీళ్ళలో ఎవరు ‘బిగ్ బాస్3’ టైటిల్ విన్నర్ అవుతాడనేది ఆదివారం నాడు తెలుస్తుంది. అయితే విన్నర్ అవ్వడానికి ఎక్కువ ఛాన్స్ లు రాహుల్ కే ఉన్నాయని సమాచారం.
‘బిగ్ బాస్3’ కంటెస్టెంట్స్ రెమ్యూనరేషన్ ఎవరెవరికి ఎంతంటే?
‘బిగ్ బాస్3’ కంటెస్టెంట్ల గురించి ఆసక్తికరమైన విషయాలు
