“దేవుడు చేసిన మనుషులు” అనంతరం దాదాపు ఆరేళ్ళ విరామం తీసుకొని తెలుగులో “అమర్ అక్బర్ ఆంటోనీ”తో కమ్ బ్యాక్ ఇచ్చిన ఇలియానా ఆ సినిమాపై చాలా ఆశలు పెట్టుకొంది. “అమర్ అక్బర్ ఆంటోనీ”తో తన సెకండ్ ఇన్నింగ్స్ కి బంపర్ స్టార్ట్ దొరుకుతుందని భావించిన ఇలియానాకి చుక్కెదురైంది. సినిమా బాక్సాఫీస్ వద్ద బొక్కబోర్లా పడడమే కాక ఇలియానాకి కనీస స్థాయి గుర్తింపు కూడా లభీంచలేదు. పైగా.. సినిమాలో ఇలియానా మరీ బొద్దుగా కనిపించిందని, అసలు డ్యాన్సులు చేయలేకపోయిందని కామెంట్స్ వినిపించడంతో ఆమెను ఇమ్మీడియట్ గా సినిమాలోకి తీసుకొనేందుకు వేరే దర్శకనిర్మాతలెవరూ ఇంట్రెస్ట్ చూపించలేదు.
దాంతో బాలీవుడ్ లో అప్పటివరకూ ఏర్పరుచుకున్న తన కాంటాక్ట్స్ ను వాడి మళ్ళీ అక్కడ ఆఫర్స్ సంపాదించేపనిలో పడింది. ఆఖరికి ఇలియానా ప్రయత్నాలు ఫలించాయి. ఈమధ్య కాస్త వ్యాయామం చేసి సన్నబడిన ఇలియానాను “ముబారకన్” సీక్వెల్లో కథానాయికగా ఫైనల్ చేశారు. ఫస్ట్ పార్ట్ సూపర్ హిట్ అవ్వడంతో.. సెకండ్ పార్ట్ షూటింగ్ త్వరలోనే మొదలవ్వనుంది. మొత్తానికి ఇలియానా మళ్ళీ బ్యాక్ టు బాలీవుడ్ అన్నమాట. మరి అమ్మడ్ని మన టాలీవుడ్ డైరెక్టర్స్ భవిష్యత్ లో అయినా కనికరిస్తారో లేదో చూడాలి.
