మెగా ఫ్యామిలీ నుంచి పర్ఫెక్ట్ మాస్ మసాలా హీరో సాయిధరమ్ తేజ్ ఒక మంచి హిట్ కొట్టి దాదాపు మూడేళ్లవుతోంది. “సుప్రీమ్” తర్వాత సాయిధరమ్ తేజ్ కనీస స్థాయి హిట్ కూడా కొట్టలేకపోయాడు. ఆ తర్వాత సినిమాలన్నీ ఒకదాన్ని మించి ఇంకోటి ఫ్లాప్ అవుతూ వచ్చాయి. ఇక “తేజ్ ఐ లవ్ యూ”తో తేజు కెరీర్ ఎండ్ అయిపోయిందేమో అనుకున్నారు జనాలందరూ. దాంతో కొంత బ్రేక్ అనంతరం సాయిధరమ్ తేజ్ చేసిన సినిమా “చిత్రలహరి” మీద కూడా ఎవరికీ పెద్ద అంచనాలు లేకుండాపోయాయి.
కట్ చేస్తే.. అలా ఎవరికీ ఈ సినిమా మీద పెద్దగా అంచనాలు లేకపోవడమే పెద్ద ప్లస్ పాయింట్ అయ్యింది. ఎలాంటీ అంచనాలు లేకుండా సినిమాలకి వెళ్ళినవాళ్ళందరూ “పర్వాలేదు బాగుంది” అని ఫీడ్ బ్యాక్ ఇస్తున్నారు సినిమాకి. దాంతో తేజ్ గత మూడేళ్లుగా ఎదురుచూస్తున్న విజయం “చిత్రలహరి”తో దక్కినట్లేనని తెలుస్తోంది. సో, ఫైనల్ గా తేజ్ హిట్ కొట్టాడన్నమాట. మరి రాకరాక వచ్చిన ఈ విజయాన్ని తేజ్ సరిగా క్యాష్ చేసుకొంటాడా లేదా అనేది చూడాలి.
