రంగస్థలం సినిమాతో రామ్ చరణ్ అనేక రికార్డులను తిరగరాశారు. ఆ రికార్డులను తానే బద్దలు కొట్టడానికి కష్టపడుతున్నారు. ఈ సారి పక్కా యాక్షన్ మూవీతో రాబోతున్నారు. బోయపాటి శ్రీను దర్శకత్వంలో చరణ్ చేస్తున్న సినిమా టైటిల్ కూడా బయటికి రాకపోయినా ఆ చిత్రంపై రోజురోజుకి అంచనాలు పెరిగిపోతున్నాయి. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ మూవీ కొత్త షెడ్యూల్ ఐరోపాలో ఈరోజు ప్రారంభమయింది. అక్కడి “అజర్ బైజాన్” అనే ప్రాంతంలో 25 రోజుల పాటు షూటింగ్ చేయనున్నారు.
ఈ లాంగ్ షెడ్యూల్లో చరణ్, ప్రశాంత్, వివేక్ ఒబెరాయ్ ఇతర నటీనటులపై కొన్ని ముఖ్య సన్నివేశాలను తెరకెక్కించనున్నారు. ఈ షెడ్యూల్ తో ఈ సినిమా దాదాపు 80 శాతం షూటింగ్ కంప్లీట్ అవుతుంది. మిగిలిన సన్నివేశాలను హైదరాబాద్ కి వచ్చి షూట్ చేయనున్నారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ మూవీ సంక్రాంతికి థియేటర్లోకి రానుంది. ఈ చిత్ర టైటిల్, ఫస్ట్ లుక్ ని మెగాస్టార్ చిరంజీవి పుట్టినరోజు ఆగస్టు 22 న రిలీజ్ చేస్తారని, పవన్ కళ్యాణ్ పుట్టినరోజు సందర్భంగా సెప్టెంబర్ 2 న రిలీజ్ చేస్తారని అభిమానులు ఆశపడ్డారు. కానీ టైటిల్ కూడా రివీల్ కాలేదు. వినాయకచవితికైనా రిలీజ్ చేస్తారని ఎదురుచూస్తున్నారు. అప్పుడైనా రిలీజ్ అవుతుందో లేదో చూడాలి.
