పవర్ ఫుల్ పోలీస్ ఆఫీసర్ పాత్రలతో యాంగ్రీ యంగ్ మ్యాన్ గా అభిమానులతో పిలుపించుకున్న డాక్టర్ రాజశేఖర్ రెండేళ్ల తర్వాత థియేటర్లోకి వచ్చారు. ప్రవీణ్ సత్తారు దర్శకత్వంలో ఆయన నటించిన యాక్షన్ ఎంటర్‌టైన‌ర్ “పి.ఎస్.వి గరుడ వేగ 125.18” శుక్రవారం రిలీజ్ అయి మంచి స్పందన అందుకుంది. అత్యధిక బడ్జెట్ తో తెరకెక్కిన ఈ మూవీ రాజశేఖర్ కి మంచి వెల్కమ్ చెప్పింది. దీంతో రాజశేఖర్ తో పాటు చిత్ర యూనిట్ సభ్యులు చాలా సంతోషంలో ఉన్నారు. జ్యో స్టార్ ఎంటర్ ప్రైజెస్ బ్యానర్ పై కోటేశ్వర రాజు, మురళి శ్రీనివాస్ నిర్మించిన ఈ సినిమా తొలిరోజు రికార్డ్ కలెక్షన్స్ రాబట్టింది.
తెలుగు రాష్ట్రాల్లోదాదాపు 230 థియేటర్స్ లో రిలీజైన ఈ చిత్రం తొలి రోజు 2.30 కోట్ల గ్రాస్ కలెక్షన్స్ సాధించిందని ట్రేడ్ వర్గాల వారు చెబుతున్నారు. గురుడవేగ హిట్ టాక్ ని సొంతం చేసుకోవడంతో మరిన్ని థియేటర్స్ లో ఈ మూవీని రిలీజ్ చేయడానికి డిస్ట్రిబ్యూటర్స్ ప్లాన్ చేస్తున్నారు.
