నటసింహ నందమూరి బాలకృష్ణ ప్రధాన పాత్రలో ప్రతిష్టాత్మకంగా తెరకెక్కిన ‘గౌతమీపుత్ర శాతకర్ణి’ గత గురువారం(జనవరి 12 ) న రిలీజ్ అయి కలక్షన్ల జైత్రయాత్రను ప్రారంభించింది. ఉత్తమ చిత్రాల దర్శకుడు క్రిష్ దర్శకత్వంలో రూపుదిద్దుకున్న బాలయ్య వందో చిత్రం విడుదలైన అన్ని థియేటర్లలో హౌస్ ఫుల్ కలక్షన్స్ తో దూసుకుపోతోంది. శాతవాహన చక్రవర్తిగా బాలకృష్ణ రాయల్ లుక్ లో కనిపించి భారీ వసూళ్లను రాబట్టారు. రాజీవ్ రెడ్డి, సాయి బాబు సంయుక్తంగా నిర్మించిన ఈ మూవీ నిన్నటితో వారం పూర్తి చేసుకుంది.
ఫస్ట్ వీక్ ఈ ఫిల్మ్ 92.63 కోట్ల గ్రాస్ వసూలు చేసినట్లు ట్రేడ్ వర్గాల వారు వెల్లడించారు. తెలుగు చక్రవర్తి కథను తెలుసుకునేందుకు ప్రపంచవ్యాప్తంగా ఉన్న తెలుగువారు ఈ చిత్రాన్ని చూసేందుకు ఆసక్తి కనబరుస్తున్నారని వివరించారు. ‘గౌతమీపుత్ర శాతకర్ణి’ షేర్ కూడా బలంగానే ఉంది. వారానికి 68.72 కోట్ల షేర్ రాబట్టింది. ఈ చిత్రంతో బాలయ్య మరోసారి సంక్రాంతి హీరో గా నిరూపించుకున్నారు.
Also, do SUBSCRIBE to our YouTube channel to get latest Tollywood updates.
