నటసింహ నందమూరి బాలకృష్ణ ప్రతిష్టాత్మక చిత్రం గౌతమీ పుత్ర శాతకర్ణి వేగంగా షూటింగ్ జరుపుకుంటోంది. జాతీయ అవార్డు గ్రహీత క్రిష్ దర్శకత్వంలో రూపుదిద్దుకుంటున్న ఈ మూవీలో హేమమాలిని బాలయ్యకు తల్లిగా నటిస్తోంది. వీరి మధ్య వచ్చే కీలక సన్ని వేశాలను ప్రస్తుతం మధ్యప్రదేశ్ లో చిత్రీకరిస్తున్నారు. ఇందులో శ్రీయ కూడా పాల్గొంటోంది. ఇక్కడి షెడ్యూల్ ని పూర్తి చేసిన వెంటనే చిత్ర బృందం టీజర్ రూపకల్పనలో బిజీ కానుంది.
బాలకృష్ణ వందో చిత్ర టీజర్ ను దసరాకు విడుదల చేయాలని క్రిష్ భావిస్తున్నారు. జార్జియా, మొరాకో, హైదరాబాద్‌లో చిత్రీకరించిన యుద్ధ సన్నివేశాలతో అద్భుతంగా టీజర్ కట్ చేసి నందమూరి అభిమానులకు పండుగ కానుకగా ఇవ్వాలని డైరక్టర్ ఆశిస్తున్నారు. అందుకు తగినట్లుగానే టీమ్ పనిచేస్తుంది. రాక్ స్టార్ దేవి శ్రీ ప్రసాద్ స్థానంలోకి వచ్చిన చిరంతన్ భట్ సినిమాకు తగిన సంగీతం అందించడంలో నిమగ్నమై ఉన్నారు.
