మాస్ హీరో గోపీచంద్, హ్యాట్రిక్ డైరెక్టర్ సంపత్ నందిల కాంబినేషన్ లో తెరకెక్కుతున్న సూపర్ స్టైలిష్ యాక్షన్ ఎంటర్ టైనర్ “గౌతమ్ నంద”. శ్రీబాలాజీ సినీ మీడియా పతాకంపై జె.భగవాన్, జె.పుల్లారావ్ లు సంయుక్తంగా నిర్మిస్తున్న ఈ చిత్రం సెన్సార్ కార్యక్రమాలు పూర్తి చేసుకొని జూలై 28న ప్రపంచవ్యాప్తంగా విడుదలయ్యేందుకు సన్నద్ధమవుతోంది. గోపీచంద్ సరసన హన్సిక, కేతరీన్ లు కథానాయికలుగా నటించిన ఈ చిత్రంపై ఇప్పటికే భారీ అంచనాలున్నాయి.
ఈ సందర్భంగా చిత్ర నిర్మాతలు జె.భగవాన్-జె.పుల్లారావ్ లు మాట్లాడుతూ.. “నిజానికి చిత్రాన్ని జూలై రెండో వారంలోనే ప్రేక్షకుల ముందుకు తీసుకువద్దామనుకొన్నాం. కానీ.. సీజీ వర్క్ కారణంగా లేటయ్యింది. ఇప్పుడు జూలై 28న ప్రేక్షకుల ముందుకు తీసుకురానున్నాం. గోపీచంద్ స్టైలిష్ లుక్స్, సంపత్ నంది స్టైలిష్ టేకింగ్, టీజర్ మరియు పోస్టర్ కు విశేషమైన స్పందన లభిస్తుండడంతో సినిమాను కూడా అంతకుమించిన స్థాయిలోనే ఆదరిస్తారనే నమ్మకం ఉంది” అన్నారు.
Also, do SUBSCRIBE to our YouTube channel to get latest Tollywood updates.
