సినిమా ఇండస్ట్రీలో గాయనీగాయకులు ఎక్కువగా తమ పని వరకే పరిమితం అవుతుంటారు. ముఖ్యంగా గీతా మాధురి(Geetha Madhuri) వివాదాలకు చాలా దూరంగా ఉంటారన్న సంగతి తెలిసిందే.
కానీ, ఎప్పుడూ సైలెంట్గా ఉండే ఆమె.. తాజాగా టాలీవుడ్ స్టార్ల గుట్టు రట్టు చేస్తూ ఓ రేంజ్లో బాంబ్ పేల్చారు. తానొక్క మాట చెబితే ఇండస్ట్రీలో చాలా మంది బండారం బయటపడుతుందని ఆమె చేసిన కామెంట్స్ ఇప్పుడు నెట్టింట హాట్ టాపిక్గా మారాయి.
సింగర్ నోయెల్ హోస్ట్ చేస్తున్న ఓ యూట్యూబ్ టాక్ షోకి గీతా మాధురి రీసెంట్గా అతిథిగా వెళ్లారు. ఈ ఇంటర్వ్యూలో సరదాగా మాట్లాడుతూనే టాలీవుడ్ సెలబ్రిటీల సీక్రెట్స్ బయటపెట్టారు. సాధారణంగా తాను బయట కాఫీ షాపులకు వెళ్లడం చాలా తక్కువ అని.. కానీ, ఎప్పుడైనా అలా వెళ్లినప్పుడు మాత్రం కచ్చితంగా ఎవరో ఒక సెలబ్రిటీ జంట తనకు రెడ్ హ్యాండెడ్గా దొరికిపోతుంటారని ఓ షాకింగ్ విషయాన్ని పంచుకున్నారు.
“నేను వెళ్లిన ప్రతిసారీ ఎవరో ఒకరు నాకు ఇలా అడ్డంగా దొరుకుతూనే ఉంటారు. ఒకవేళ నేను చూసిన ఆ సీక్రెట్స్ గురించి ఇప్పుడు నోరు విప్పితే.. ఇండస్ట్రీలో చాలా మంది కాపురాలు కూలిపోవడం ఖాయం” అంటూ గీతా మాధురి నవ్వుతూనే సెన్సేషనల్ కామెంట్స్ చేశారు.
ప్రస్తుతం ఈ వీడియో విపరీతంగా వైరల్ అవుతోంది. ఎలాంటి కాంట్రవర్సీలకు పోని గీతా మాధురి, ఇలా సడెన్గా టాలీవుడ్ అఫైర్స్ గురించి మాట్లాడటంతో అందరూ అవాక్కవుతున్నారు. ఇంతకీ కాఫీ షాపుల్లో ఆమె కంటపడిన ఆ సీక్రెట్ కపుల్స్ ఎవరు? ఆ ప్రముఖులు ఎవరై ఉంటారా? అని నెటిజన్లు బుర్రలు బద్దలు కొట్టుకుంటున్నారు. ఏదేమైనా ఆమె కామెంట్స్తో అఫైర్స్ నడుపుతున్న ఆ స్టార్స్ మాత్రం టెన్షన్ పడుతున్నారని ఇన్సైడ్ టాక్.
