సీనియర్ నటుడు గిరిబాబు అలనాటి హీరోల నుంచి నేటి హీరోలతో కలిసి నటించారు. అందరితో కలిసిమెలిసి ఉండే ఈయన రీసెంట్ గా ఇచ్చిన ఓ ఇంటర్వ్యూ లో పవన్ కళ్యాణ్ గురించి ఆసక్తికర విషయాలు వెల్లడించారు. “నేటి హీరోలతో చాలా సినిమాలు చేసాను. అయితే పవన్ కళ్యాణ్‌తో సినిమా చేసే అవకాశం రాలేదు. అందుకు కారణం ఆ సినిమాల్లో నాకు సూటయ్యే పాత్రలు లేక పోవడమే అయి ఉంటుంది” అని వివరించారు. త్రివిక్రమ్, పవన్ కళ్యాణ్ కాంబినేషన్లో తెరకెక్కుతున్న సినిమా షూటింగ్ స్పాట్ కు ఈ మధ్య తాను వెళ్లిన విషయాన్ని ప్రస్తావిస్తూ.. ” నేను షూటింగ్ లొకేషన్ కి వెళ్ళగానే పవన్ కళ్యాణ్ లేచి వచ్చి పలకరించారు.
అంతేకాదు మేము ఇద్దరం ఇప్పటి వరకు ఒక సినిమాకు కూడ పనిచేయలేదనే విషయాన్నీ గుర్తుకు చేసుకుంటూ త్రివిక్రమ్‌ను పిలిచి ‘మన సినిమాలో ఏదైనా పాత్ర ఉందా’ అని పవన్ అడిగారు ” అని గిరిబాబు తెలిపారు. “పెద్దలంటే గౌరవం ఉన్న వ్యక్తి పవన్ కళ్యాణ్. అతను మంచి ఆర్టిస్ట్ మాత్రమే కాదు జెంటిల్ మ్యాన్” అంటూ గిరిబాబు అభినందించారు. గత ఎన్నికల్లో పవన్ కళ్యాణ్ వల్లనే తెలుగు దేశం పార్టీ గెలిచిందని, పవన్ రాజకీయాలలో రాణించడం ఖాయమని స్పష్టం చేశారు.
Also, do SUBSCRIBE to our YouTube channel to get latest Tollywood updates.
