బాలయ్య ప్రధాన పాత్రలో క్రిష్ తెరకెక్కిస్తున్న ‘గౌతమిపుత్ర శాతకర్ణి’ సినిమా చిత్రీకరణ పూర్తైన సంగతి తెలిసిందే. ఫస్ట్ ఫ్రేమ్ ఎంటటైన్మెంట్స్ పతాకంపై సాయిబాబు జాగర్లమూడి, వై రాజీవ్ రెడ్డి నిర్మిస్తున్న ఈ సినిమా ప్రస్తుతం నిర్మాణాంతర పనులను జరుపుకుంటోంది. సంక్రాంతి విడుదలకు సిద్ధమవుతున్న ఈ సినిమా పాటలను వచ్చే నెలలో విడుదల చేయడానికి చిత్ర బృందం సన్నాహాలు చేయగా తాజాగా ఈ వేడుక జరిగే తేదీపై స్పష్టత వచ్చింది.
నందమూరి బాలకృష్ణ వందో చిత్రంగా ప్రతిష్టాత్మకంగా తెరకెక్కిన ఈ సినిమా పాటలను తొలుత డిసెంబర్ 9న విడుదల చేయాలని భావించారు. విశ్వసనీయ వర్గాల సమాచారం మేరకు ఇప్పుడు అది 16వ తేదీకి మారిందట. తిరుపతి కేంద్రంగా జరుగనున్న ఈ వేడుకకు ఆంధ్రప్రదేశ్ ముఖ్యమంత్రి చంద్రబాబు నాయుడు, సహా పలువురు చిత్ర ప్రముఖులు హాజరు కానున్నారు. తెలుగు చక్రవర్తి ‘శాతకర్ణి’ కథతో తెరకెక్కుతున్న ఈ సినిమాకి సిరివెన్నెల సీతారామశాస్త్రి సాహిత్యం సమకూర్చిగా చిరంతన్ భట్ సంగీతం అందిస్తున్నారు. శ్రేయ, హేమ మాలిని కీలక పాత్రలు పోషించిన ఈ సినిమాకి సాయి మాధవ్ బుర్ర మాటల రచయిత.
Also, do SUBSCRIBE to our YouTube channel to get latest Tollywood updates.
