ఫస్ట్ లుక్ విడుదల మొదలుకొని గోడల మీద అంటించిన రిలీజ్ పోస్టర్స్ వరకూ అన్నిట్లోనూ రష్మీ అందాలను ఆరబోసి కుర్రకారుని థియేటర్ల వరకూ రప్పించిన చిత్రం “గుంటూర్ టాకీస్”. పోస్టర్ లో కనిపించిన బూతుని తలదాన్నేలా సినిమాలో రోమాంటిక్ సీన్స్ పాళ్ళు కాస్త ఎక్కువగా చూపించి “ఆ టైప్” ఆడియన్స్ ను విశేషంగా ఆకట్టుకొన్న “గుంటూర్” టాకీస్ చిత్రానికి సీక్వెల్ ను తీద్దామనుకొంటున్నారని నిన్న చిత్ర నిర్మాత వెల్లడించిన విషయం తెలిసిందే.
అయితే.. తాజా సమాచారం ప్రకారం మొదటి భాగం మొత్తం “గుంటూరు”లో చిత్రీకరించగా, సెకండ్ పార్ట్ మొత్తాన్ని ముంబైలో షూట్ చేయనున్నారట. తొలి భాగంలో నటించిన రష్మీ, మహేష్ మంజ్రేకర్, నరేష్, శ్రద్ధా దాస్ లు ఈ సెకండ్ పార్ట్ లోనూ నటించనుండగా.. ఈ చిత్రాన్ని ఓ యువ దర్శకుడు తెరకెక్కించే అవకాశం ఉంది. సినిమా మొదలయ్యేది మాత్రం “గుంటూరు”లోనేనట. మరి తొలిభాగం స్థాయిలో మలిభాగం ఉంటుందో లేదో చూడాలి!
