ప్రముఖ బాడ్మింటన్ క్రీడాకారిణి గుత్తా జ్వాల జనసేనాని పవన్ కళ్యాణ్ పై ప్రశంసల జల్లు కురిపించింది. రీసెంట్ గా ఇచ్చిన ఓ ఇంటర్వ్యూ లో పవర్ స్టార్ ని అభినందనలతో ముంచెత్తింది. ప్రజా సమస్యల పరిష్కారానికి పవన్ కళ్యాణ్ పోరాడుతున్న విధానానికి తాను ఫిదా అయిపోయినట్లు చెప్పింది. రైతుల కోసం, చేనేత కార్మికుల కోసం కష్టపడుతున్న తీరు అభినందనీయమన్నారు. ఆంధ్రప్రదేశ్ కు ప్రత్యేక హోదా కావాలని కేంద్ర, రాష్ట్ర ప్రభుత్వాలని ప్రశ్నిస్తున్న జనసేన అధ్యక్షుడి ధైర్యాన్ని మెచ్చుకోకుండా ఉండలేమని చెప్పారు.
అందుకే అతని వెంట యువత నడుస్తోందని, మిగతావారి మద్దతు కూడా పవన్ కి ఉండాలని కోరారు. పవన్ కోరితే తాను సెలబ్రిటీగా పార్టీ ఎన్నికల ప్రచారంలో మాత్రమే పాల్గొనకుండా పార్టీ కార్యకర్తగా పని చేస్తానని చెప్పారు. 2019 ఎన్నికల్లో పోటీ చేస్తున్నట్లు ప్రకటించిన నాటి నుంచి పవన్ కి అన్ని వర్గాల ప్రజల నుంచి మద్దతు లభిస్తోంది.
Also, do SUBSCRIBE to our YouTube channel to get latest Tollywood updates.
