విశ్వవిఖ్యాత నటసార్వభౌమ నందమూరి తారకరామారావు జీవితంలో ‘అడవి రాముడు’ సినిమా ఎంత ప్రత్యేకమైనది అనేది ప్రత్యేకించి చెప్పాల్సిన అవసరం లేదు. ఆ సినిమాలోని ‘ఆరేసుకోబోయి పారేసుకున్నాను హరి’ అంటూ ఎన్.టి.ఆర్-జయప్రదల నడుమ వచ్చే రొమాంటిక్ డ్యూయెట్ అప్పట్లో పెద్ద సెన్సేషన్. పైట జార్చిన జయప్రద అందాలను కుర్రకారు ఎంజాయ్ చేస్తే.. ఎన్.టి.ఆర్ డ్యాన్స్ మూమెంట్స్ ను ఎంజాయ్ చేసినవారు కోకొల్లలు. మళ్లీ అదే టైటిల్ తో ప్రభాస్ హీరోగా రూపొందిన ‘అడవి రాముడు’ చిత్రంలో ఆర్తి అగర్వాల్ చేత అదే స్థాయి రొమాన్స్ ను రిపీట్ చేయడానికి బి.గోపాల్ ప్రయత్నించినప్పటికీ.. ఫలితం దక్కలేదు.
అయితే.. అన్నగారు జీవితం ఆధారంగా తెరకెక్కనున్న ‘ఎన్ టి ఆర్’ బయోపిక్ లో ఆ రొమాంటిక్ నెంబర్ ను రీక్రియేట్ చేసాడు క్రిష్. జయప్రదగా హన్సిక, రామారావుగా బాలయ్య ఈ రీక్రియేషన్ లో భాగమైయ్యారు. అనుకున్నదానికంటే అద్భుతమైన అవుట్ ఫుట్ రావడంతో టీమ్ కూడా హ్యాపీగా ఉన్నారట. హన్సిక గ్లామర్ ఈ పాటకి మెయిన్ హైలైట్ గా నిలుస్తుందంటున్నారు చిత్రబృందం.
