హరితేజ(Hari Teja) గురించి ప్రత్యేక పరిచయం అవసరం లేదు. పలు షోలకి హోస్ట్ గా చేసింది. నటిగా ‘ఆడవారి మాటలకి అర్ధాలే వేరులే’ ‘1 నేనొక్కడినే’ వంటి సినిమాల్లో చేసినా అంతగా గుర్తింపు లభించలేదు.కానీ ‘అఆ’ లో చేసిన మంగమ్మ పాత్రకి మంచి మార్కులు పడ్డాయి.
అయితే ‘అఆ’ నుండి చూసుకుంటే.. ఆమె ఎక్కువ సినిమాల్లో పనిమనిషి పాత్రల్లోనే కనిపిస్తుండటం అనేది అప్పుడప్పుడు చర్చనీయాంశం అవుతుంటుంది. ‘ఎందుకు హరితేజ పని మనిషి పాత్రలే ఎక్కువగా చేస్తుంది?’ అని చాలా మంది మాట్లాడుకున్న సందర్భాలు కూడా ఉన్నాయి. తాజాగా ఈ విషయంపై హరితేజ కూడా స్పందించాల్సి వచ్చింది.
హరితేజ ఈ విషయం పై స్పందిస్తూ.. “చాలామంది నన్ను మెయిడ్ క్యారెక్టర్స్..కి(పని మనిషి పాత్రలకి)బ్రాండ్ అంబాసిడర్ ని చేసేశారు. అలా అని నేనేమీ ఆ పాత్రలకే పరిమితం కాలేదు. కానీ రాసేవాళ్లే నన్ను అలా ఫిక్స్ చేశారు. వాళ్లు రాసే విధానం మారితే నా పాత్రలు కూడా మారుతాయి.ఈ మధ్య కాలంలో నేను కొన్ని వైవిధ్యమైన పాత్రలు కూడా చేశాను. అయినా అందరూ పనిమనిషి పాత్రల గురించే మాట్లాడుకుంటారు.
ఒక్కసారి ఒక పాత్ర బలంగా జనాల్లోకి వెళ్ళిన తర్వాత, ఆ ముద్రను చెరిపేయడం ఒక ఆర్టిస్టుకి చాలా కష్టం. జీవిత కాలం పట్టేసినా ఆశ్చర్యపోనవసరం లేదు.ఇది ఆర్టిస్టులందరూ ఎదుర్కొనే పెద్ద సమస్య.కానీ వచ్చే ఏడాది నా నుండి ఇలాంటి మెయిడ్ క్యారెక్టర్స్ అనేవి తగ్గుతాయని నేను భావిస్తున్నాను. నేను ఏ పాత్రనైనా ఒక ఆర్టిస్టుగా స్వీకరిస్తాను అలాగే దానికి పూర్తి న్యాయం చేయడానికి ప్రయత్నిస్తాను.
అది మెయిడ్ క్యారెక్టర్ అయినా లేదా మరేదైనా పాత్ర అయినా సరే..! ప్రేక్షకులు నా పాత్రని ఆనందిస్తున్నంత వరకు నాకు ఎటువంటి అభ్యంతరం లేదు” అంటూ చెప్పుకొచ్చింది.
నాకు పని మనిషి రోల్స్ మాత్రమే రాస్తున్నారు … నెక్స్ట్ 2 ఏళ్ళలో వాటిని బ్రేక్ చేయాలి : హరి తేజ #LechindhiMahilaLokam #LakshmiManchu #HariTeja pic.twitter.com/RK6JhNiDLW
— Filmy Focus (@FilmyFocus) March 9, 2026
