కుటుంబ కథా చిత్రాలకు చిరునామా మాటల మాంత్రికుడు త్రివిక్రమ్ శ్రీనివాస్. యాక్షన్ తో అదరగొట్టే హీరో యంగ్ టైగర్ ఎన్టీఆర్. కొంతకాలంగా విభిన్న కథల వైపు అడుగులు వేస్తున్న తారక్ రీసెంట్ గా త్రివిక్రమ్ చెప్పిన కథకు ఫిదా అయిపోయి ఒకే చెప్పేసారు. ఆయన ఆలా ఒకే చెప్పారో లేదో.. ఇలా నిర్మాత రెడీ అయిపోయారు. హారిక & హాసిని క్రియేషన్స్ బ్యానర్ పై రాధాకృష్ణ నిర్మించేందుకు ముందుకొచ్చారు. ఈ బ్యానర్లోనే మాటల మాంత్రికుడు వరుసగా సినిమాలు చేస్తున్నారు. సన్నాఫ్ సత్యమూర్తి, అ.. ఆ, తో పాటు పవర్ స్టార్ పవన్ కళ్యాణ్ తో వచ్చే ఏడాది పట్టాలెక్కనున్న ప్రాజెక్ట్ కూడా హారిక & హాసిని క్రియేషన్స్ బ్యానర్ పై రూపుదిద్దుకుంటోంది.
ఇందుకు ప్రధాన కారణం ఆ బ్యానర్లో త్రివిక్రమ్ కి వాటా ఉండడమే. దీంతో రాధాకృష్ణ తో కలిసి ఎన్టీఆర్ సినిమాకు డైరక్టర్ డబ్బులు ఖర్చుపెట్టనున్నారన్నమాట. ఎన్టీఆర్, త్రివిక్రమ్ కలిసి సినిమా అంటేనే దానిపై అంచనాలు భారీగా ఉంటాయి. అటువంటిది ఒక నిర్మాతగాను వ్యహరిస్తున్నారనే వార్త సినిమాపై హైప్ ని పెంచింది. జనవరి నుంచి ఎన్టీఆర్ ఆర్ట్స్ బ్యానర్లో తారక్ 27 వ సినిమా చేయనున్నారు. త్రివిక్రమ్ కూడా పవన్ సినిమా పనిలో పడనున్నారు. ఇద్దరి ప్రాజక్టులు ఆగస్టుకు కంప్లీట్ కానుంది. తర్వాత సెప్టెంబర్ నుంచి ఎన్టీఆర్ 28 సినిమా సెట్స్ మీదకు వెళ్లడం ఖాయం అయిపోయింది.
Also, do SUBSCRIBE to our YouTube channel to get latest Tollywood updates.
