బిగ్‌బాస్‌ ఇంట్లో వారమంతా ఒకటి… సోమవారం ఎపిసోడ్‌ ఒకటి. ఈ వారం నామినేట్ ఎవరు అవుతారనేదే టాపిక్‌. ఇంట్లో మీరు ఎవరిని నామినేట్ చేస్తారు అంటూ బిగ్‌ బాస్‌ ప్రతివారం అడుగుతుంటాడు. ఇద్దరి పేర్లు చెప్పి కారణాలు చెప్పమంటాడు. కానీ ఒక్కోసారి స్టయిల్‌ మారుస్తాడు. ఇద్దరిని నిలబెట్టి మీలో ఎవరు నామినేట్ అవుతారు అని అడుగుతాడు. ఈ వారం జరిగిందందే. అలా ఈ వారం నామినేషన్‌ బ్లాక్‌లో నిల్చున్నవారిలో అభిజీత్ -హారిక ఒక జోడీ. మంచి స్నేహితులైన ఈ ఇద్దరిలో ఒకరు నామినేట్ అవ్వాలంటే చాలా కష్టమైన పని. కానీ ఆ పని అభిజీత్ చేసి శభాష్‌ అనిపించుకున్నాడు. నామినేట్ కాకపోయినా హారిక కూడా అందరి మనసులు గెలుచుకుంది.
రంగు బకెట్ల కింద ఇద్దరిని నిల్చోమని బిగ్‌బాస్‌ ఎవరు నామినేట్ అవుతారని అడిగారు. తొలుత అభిజీత్ నామినేట్ అవ్వను అంటూ మొదలెట్టాడు. అయితే హారిక వాదన వినేసరికి నామినేషన్‌ కోసం ముందుకొచ్చాడు. మిగిలిన జోడీలకు విరుద్దంగా ఇక్కడ నామినేషన్‌ చర్చ జరిగింది. అందరూ నేనుండాలి అంటే నేనుండాలి అని చర్చ పెట్టుకున్నారు. అభి-హారిక విషయంలో చర్చ మారింది. నువ్వు నామినేట్ అవ్వకు అంటే నువ్వు నామినేట్ అవ్వకు అని చర్చించుకున్నారు. ఆఖరికి అభిజీత్ మాటే నెగ్గింది. తనే నామినేట్ అయ్యాడు.
అభిజీత్ నామినేట్ అవ్వడం ఏ మాత్రం ఇష్టం లేని హారిక బిగ్‌బాస్‌ మీద కోపం తెచ్చుకుంది. ఇలా మా ఇద్దరిని పెట్టి నామినేషన్‌ ప్రాసెస్‌ పెట్టడం అన్‌ఫెయిర్‌ అని కామెంట్‌ చేసింది. స్నేహితులు, సమ ఉజ్జీల మధ్య ఎలా పెడతారు అంటూ బాధపడింది. ఈ సమయంలో వారించబోయిన అభిజీత్‌ను షటప్‌ అంటూ కోప్పడింది కూడా. నామినేషన్‌ బ్లాక్‌ నుంచి పక్కకు వచ్చి కూడా అదే మాట అంది. కుటుంబమా, అభిజీత్ ఆ అని బిగ్‌బాస్‌ అడిగితే ఏం చేస్తాం అంటూ అమ్మ రాజశేఖర్‌ మాస్టర్ దగ్గర అనడం సూపర్ అనిపించింది. కుటుంబం కోసమే తను నామినేట్ కాకూడదు అనుకున్నాను అని హారిక చెప్పింది. తను సేఫ్‌ అవ్వాలని అనుకోవడానికి ఇదొక కారణమని కూడా చెప్పింది హారిక. హారిక కోసం ఇంత చేసిన అభిజీత్ ఈ సారి కచ్చితంగా సేఫ్‌ అవుతాడని నెటిజన్లు అంటున్నారు.
మరోవైపు అఖిల్‌ బాగా ఆడుతున్నాడు… అందుకే అఖిల్‌ ఉండాలి.. నేను నామినేట్ అవుతున్నాను అని మోనాల్‌ చెప్పింది. పర్సనల్‌ విషయం బట్టి నామినేట్ చేయలి అన్నారు కాబట్టి అమీతుమీ టాస్క్‌లో జరిగిన గొడవను దృష్టిలో పెట్టుకుని సోహైల్‌ను సేఫ్‌ చేసి, నేను నామినేట్ అవుతున్నా అని అవినాష్‌ అన్నాడు. నా మీద మీకు ఎలాంటి కోపం ఉన్నా, డిస్ట్రబెన్స్‌, క్లాష్‌ లాంటివి పోవడానికి నామినేట్ అవుతున్నాను అని చెప్పిన దివి చెప్పింది. ఆమె లాస్యను సేఫ్‌ చేసింది. ఆరియానా – మెహబూబ్‌ మధ్య అయితే చాలా సేపు చర్చ జరిగింది. ఇద్దరూ ఇంట్లో ఉండాలని అనుకున్నారు. అయితే ఆఖరుకు నన్ను నేను నామినేట్ చేసుకుంటున్నాను అని ఆరియానా చెప్పింది. మెహబూబ్‌ హెల్ప్‌ అడిగాడు నేను చేస్తున్నాను అని చెప్పింది. అయితే అతని నుంచి తనకెప్పుడూ హెల్ప్‌ వద్దని ఆరియానా చెప్పింది.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
