ఒక బడా హీరో సినిమా విడుదల అవుతుంది అంటే చాలు… ఎప్పుడెప్పుడు చూద్దామా…సినిమా ఎలా ఉన్నా సూపర్ హిట్, ఇండస్ట్రీ హిట్ అంటూ ఎప్పుడెప్పుడు డప్పు కొట్టుకుందామా అని అనుకుంటారు అభిమానులు. అయితే అదే క్రమంలో సినిమా ఎలా ఉన్నా… సినిమాపై రాంగ్ టాక్ తెచ్చి మరీ సునకానందం పొందుతారు యాంటీ ఫ్యాన్స్. అయితే ఎవరికి వారే యమునా తీరే అన్నట్లు ఉంటుంది వీళ్ళ పరిస్థితి. ఇదిలా ఉంటే వీటికి తోడు ఆన్‌లైన్ రివ్యూస్, రేటింగ్స్ సైతం ఇప్పుడు యాంటీ ఫ్యాన్స్ కి అనుకూలంగా మారాయి. ఈ కధ అంతా పక్కన పెట్టి మనం అసలు కధలోకి వెళితే…టాలీవుడ్ లో భారీ అంచనాలతో మొన్న శుక్రవారం రిలీజ్ అయిన డీజె అంచనాలను అందుకోలేకపోయింది అన్న టాక్ బలంగా వినిపిస్తుంది. ఈ మూవీ చాల బాగుంది అని బన్నీ అభిమానులు ఆకాశానికి ఎత్తేస్తూ ఉంటే ఈ సినిమాను చూసిన సామాన్య ప్రేక్షకుడు మాత్రం పెదవి విరుస్తున్నాడు అన్నది మాత్రం ఒప్పుకోక తప్పని నిజం…. ఇక ఇదే క్రమంలో ఈ మూవీకి రివ్యూ రేటింగ్స్ కూడ చాల తక్కువ స్థాయిలో రావడంతో షాక్ కు గురైన హరీష్ శంకర్ ఈ మీడియా రేటింగ్స్ పై సంచలన వ్యాఖ్యలు చేసినట్లు వార్తలు వస్తున్నాయి.
ఈ విషయంపై హరీష్ స్పందిస్తూ….ప్రస్తుతం టాలీవుడ్ ఇండస్ట్రీలో అత్యధిక కలక్షన్స్ వసూలు చేస్తున్న సినిమాలకు ఆ సినిమాలకు విమర్శకులు ఇస్తున్న రేటింగ్స్ కు సంబంధం లేకుండా పోయిందని రివ్యూల పై సెటైర్లు వేసాడు హరీష్ శంకర్. అంతేకాదు కేవలం పది కోట్ల పెట్టుబడితో దిల్ రాజ్ నిర్మించిన ‘శతమానం భవతి’ సినిమాకు 40 కోట్ల కలక్షన్స్ వచ్చినా ఆ సినిమా పై ఏ విమర్శకుడు ప్రశంసలు కురిపించని నేపధ్యాన్ని వివరిస్తూ ఆ సినిమాకు విమర్శకుల ప్రశంసలు లభించకపోయినా నేషనల్ అవార్డ్ వచ్చిన సందర్భాన్ని గుర్తుకు చేసాడు హరీష్ శంకర్. అంతేకాదు మూవీ రేటింగ్స్ అన్నవి సినిమాలను బట్టి కాకుండా ఆ సినిమాలను చూసే వ్యక్తిగత అభిప్రాయాలకు విలువనిచ్చే విధంగా మూవీ రేటింగ్స్ మారిపోవడం దురదృష్టకరం అంటూ షాకింగ్ కామెంట్స్ చేసాడు. నిజమే కానీ…మొత్తంగా సినిమాకి ఫ్లాప్ టాక్ వచ్చిన నేపధ్యంలో ఇలా మీడియాపై విరుచుకుపడటం షరా మామూలే అని అంటున్నారు సినిమా విశ్లేషకులు…
Also, do SUBSCRIBE to our YouTube channel to get latest Tollywood updates.
