పవర్ స్టార్ పవన్ కళ్యాణ్ నటించిన 25వ చిత్రమది. అందులోనూ మాటల మాంత్రికుడు త్రివిక్రమ్ దర్శకుడు కావడంతో మామూలుగా కంటే కాస్త ఎక్కువ హడావుడి జరిగింది. ఇక అంచనాల గురించి ప్రత్యేకించి చెప్పాలా. అయితే.. ఆ హైప్, భారీ అంచనాలతోపాటు కొన్ని ఊహాగానాలు కూడా భారీస్థాయిలో హల్ చల్ చేశాయి. కట్ చేస్తే.. సినిమా రిలీజైన రెండు గంటల్లోనే ఆ హల్ చల్ చేసిన ఊహాగానాలన్నీ ఉత్తుత్తివేనని తేలిపోయాయి.
వాటిలో ముఖ్యంగా చెప్పుకోవాల్సింది “అజ్ణాతవాసి”లో విక్టరీ వెంకటేష్ స్పెషల్ ఎంట్రీ గురించి. ఈ సినిమాలో వెంకీ ఓ స్పెషల్ రోల్ ప్లే చేస్తున్నాడని డబ్బింగ్ కూడా చెప్పుకొన్నాడని కొన్ని వార్తలు వెలువడ్డాయి. కొందరైతే ఇంకో అడుగు ముందుకేసి సినిమా వెంకీ స్పెషల్ రోల్ ఏమిటో కూడా చెప్పేశారు. కట్ చేస్తే.. ఆ ఊహాగానాలన్నీ వట్టి సోల్లు కబుర్లని తేటతెల్లమైపోయింది. సో ఓవరాల్ గా సినిమాకి మంచి టాక్ రావడంతోపాటు పవన్ కళ్యాణ్ కెరీర్ లోనే బిగ్గెస్ట్ హిట్ గా నిలిచే అవకాశాలు పుష్కలంగా ఉన్నాయని తెలుస్తోంది. సొ డియర్ అభిమానులూ సినిమా చూసి ఎంజాయ్ చేసేయండి.
