అక్కినేని నాగార్జున బ్లాక్ బస్టర్ చిత్రాల్లో హలో బ్రదర్ ఒకటి. ఈవీవీ సత్యనారాయణ తెరకెక్కించిన ఈ మూవీ నవ్వుల వర్షంతో పాటు కలక్షన్ల వర్షం కురిపించింది. ఆ సినిమాకి నాగ్ తనయుడు నాగ చైతన్య సీక్వెల్ చేయాలని గతంలో అనుకున్నారు. డైరక్టర్ శ్రీనివాస్ రెడ్డి (ఢమరుఖం ఫేమ్) స్క్రిప్ట్ కూడా సిద్ధం చేశారు. కానీ ఎందుకో సెట్స్ మీదకు వెళ్లకుండా ఆగిపోయింది. మళ్ళీ ఇప్పుడు దీనిపై చర్చ మొదలయింది. ఎందుకంటే హలో బ్రదర్ ని హిందీలో జుద్వాగా రీమేక్ చేశారు. సల్మాన్ ఖాన్ హీరోగా నటించిన ఈ సినిమా సూపర్ హిట్ అయింది. ఇప్పుడు మళ్ళీ ఆ సినిమాకి సీక్వెల్ గా జుద్వా-2 వస్తోంది. సీక్వెల్ కు కూడా డేవిడ్ ధావనే దర్శకత్వం వహించాడు.
ఆ మూవీ సెప్టెంబర్ లో థియేటర్లలోకి వస్తోంది. ఈ నేపథ్యంలో హలోబ్రదర్-2 కూడా వస్తే బాగుంటుందనే చర్చ టాలీవుడ్ లో మొదలైంది. నాగార్జున కాకపోయినా నాగచైతన్య, అఖిల్ లో ఎవరైనా హలో బ్రదర్ 2 చేస్తే బాగుంటుందని అభిమానులు కోరుకుంటున్నారు. జుద్వా-2 విజయవంతమైతే నాగార్జున హలో బ్రదర్ సీక్వెల్ గురించి ఆలోచించవచ్చని సినీ విశ్లేషకులు భావిస్తున్నారు.
Also, do SUBSCRIBE to our YouTube channel to get latest Tollywood updates.
