టాలీవుడ్ స్టార్ హీరో బాలయ్య (Balakrishna) అఖండ (Ahanda) సీక్వెల్ సినిమాకు 30 కోట్ల రూపాయలకు పైగా రెమ్యునరేషన్ తీసుకుంటున్నారని వార్తలు సోషల్ మీడియా వేదికగా వినిపిస్తున్నాయి. వైరల్ అవుతున్న వార్తలు నిజమేనా అనే ప్రశ్నకు అవుననే సమాధానం వినిపిస్తోంది. బాలయ్య ప్రస్తుతం నటిస్తున్న సినిమాకు 34 కోట్ల రూపాయల రేంజ్ లో అందుకుంటున్నారని ఇండస్ట్రీ వర్గాల్లో వినిపిస్తుండటం గమనార్హం. బాలయ్య సినిమాలు వరుసగా సక్సెస్ సాధించడంతో పాటు బాలయ్య సినిమాల డిజిటల్ హక్కులకు మంచి డిమాండ్ నెలకొంది.
స్టార్ హీరో బాలయ్య పారితోషికం ఆయన మార్కెట్ కు ఏ మాత్రం ఎక్కువ కాదు. ఇదే సమయంలో బాలయ్య సినిమాకు అవసరం అనుకుంటే పారితోషికం తగ్గించుకున్న సందర్భాలు ఉన్నాయి. బడ్జెట్ మరీ ఎక్కువవుతుంటే బాలయ్య నిర్మాతకు చాలా సందర్భాల్లో అండగా నిలిచారు. సింహా (Simha) , లెజెండ్ (Legend) , అఖండ సినిమాలు బాలయ్య కెరీర్ లో బిగ్గెస్ట్ బ్లాక్ బస్టర్ హిట్లు కాగా ఈ సినిమాలకు బాలయ్య పరిమితంగానే పారితోషికం అందుకోగా ఈ సినిమాలు నిర్మాతలకు మంచి లాభాలను అందించాయి.
బాలయ్య బాబీ (Bobby) కాంబో మూవీ వీరమాస్ అనే టైటిల్ తో తెరకెక్కుతుండగా ఈ సినిమా టైటిల్ కు సంబంధించి అధికారిక ప్రకటన అయితే రావాల్సి ఉంది. బాబీ బాలయ్యకు సైతం భారీ బ్లాక్ బస్టర్ ఇవ్వడం పక్కా అని అభిప్రాయాలు వ్యక్తమవుతూ ఉండటం గమనార్హం. ఈ సినిమాకు థమన్ మ్యూజిక్ అందిస్తున్న సంగతి తెలిసిందే. వరుసగా బాలయ్య సినిమాలకు థమన్ (S.S.Thaman) మ్యూజిక్ డైరెక్టర్ గా ఎంపికవుతూ ఉండటం గమనార్హం.
బాలయ్యను అభిమానించే ఫ్యాన్స్ సంఖ్య అంతకంతకూ పెరుగుతుండగా బాలయ్య యాక్షన్ సినిమాలకు ఎక్కువగా ప్రాధాన్యత ఇస్తున్నారు. బాలయ్య తన సినిమాలను వేగంగా పూర్తి చేస్తున్నారు. ఈ ఏడాది బాలయ్య సినిమాలేవీ రిలీజ్ కావడం లేదు.
