హీరోహీరోయిన్ల నడుమ రిలేషన్ అనేది చెరుకు-చెరుకు రసం చేసే మెషీకి ఉన్న సంబంధం లాంటిది. చెరకు నుంచి రసం వచ్చినంతసేపే దానికి వేల్యూ.. ఒక్కసారి చెరుకు నుంచి రసం ఆగిపోయిందంటే.. వెంటనే పిప్పిని పక్కన పడేస్తారు. అలాగే హీరోయిన్ బోర్ కొట్టినా, అతడి “అ”వసరాలు తీర్చకపోయినా సదరు హీరోయిన్ కెరీర్ కంచికి చేరినట్లే. ఇప్పుడు ఒక యువ హీరోయిన్ పరిస్థితి అలానే తయారయ్యింది. పాపం ఒక్క వాట్సాప్ మెసేజ్ కారణంగా సదరు హీరోయిన్ కెరీర్ ఖతం అయిపోయింది. ఓ యువ కథానాయకుడి సరసన ఒన్నాఫ్ ది హీరోయిన్ గా గతేడాది సూపర్ హిట్ అయిన ఒక చిత్రంలో నటించిన ఆ హీరోయిన్ కి ప్రస్తుతం తెలుగులో సరైన అవకాశాలు లేక తన మాతృభాషలో సినిమాలు చేసుకుంటోంది.
సినిమా రిలీజయ్యాక హీరోగారు సదరు హీరోయిన్ గురించి, ఆమె షేపుల గురించి చాలా తప్పుగా ఒక వాట్సాప్ గ్రూప్ లో మాట్లాడాడు. కానీ.. అతగాడికి తెలియని విషయం ఏంటంటే ఆ గ్రూప్ లో ఆ హీరోయిన్ కూడా ఉందని. దాంతో ఆ హీరోయిన్ బాబు మాటలకి తనదైన శైలిలో ఘాటుగా సమాధానమిచ్చి సెలెంట్ గా గ్రూప్ నుంచి ఎగ్జిట్ అయిపోయింది. అప్పట్నుంచి ఆ హీరోయిన్ మీద పగ పెంచుకొన్న సదరు యువ కథానాయకుడు, ఆ హీరోయిన్ కి ఆఫర్లు రాకుండా చేయడమే కాక ఎవరైనా ఆమెను ఎప్రోచ్ అవ్వాలని ట్రై చేస్తుంటే వద్దని వారిస్తున్నాడు. మరి ఆ యువ కథానాయకిగా ఈ యువ కథానాయకుడి కోపం ఎఫెక్ట్ ఎప్పటివరకూ ఉంటుందో చూడాలి.
